દિલ્હી: વિશ્વસ્તરે જોવા મળી રહેલા સંકેતો અને બદવાલો વચ્ચે આજે ઘણા લાંબા સમય બાદ દિલ્હીના સરફા બજારમાં સોનાની કિંમતમાં ઘટાડો નોંધાયો હતો. આ ઘટાડો 105 રૂપિયા થયો હતો અને અંતે સોનું 32 370 પ્રતિ 10 ગ્રામના ભાવે પહોંચ્યું હતું. ઉલ્લેખનીય છે કે છેલ્લા ચાર દિવસથી જોવા મળેલ સતત ઉંચાઇ બાદ આજે અચાનક માર્કેટમાં 105 રૂપિયાનો ઘટાડો થયો હતો. આ સાથે ચાંદી બજારમાં પણ ઘટાડો નોંધાઇને 350 ઘટીને ચાંદી પ્રતિ કિલો 41 200 થવા પામી હતી.
ધંધાર્થીઓના જણાવ્યાનુસાર અન્ય મુદ્રાઓની તુલનાએ ડોલર મજબૂત હોવા છતાં રોકાણકારોની માંગ છતાં સોનાની કિંમતમાં ઘટાડો નોંધાયો હતો. વિશ્વ સ્તરની વાત કરીએ તો ગઇકાલે ન્યૂયોર્કમાં સોનુ 0.22% પડીને 1 301.20 ડોલર પ્રતિઔંશ થવા પામ્યું હતું.જ્યારે ચાંદી 0.99% ઘટીને 16.47 ડોલર પ્રતિઔંશ રહેવા પામ્યું છે.
ઉલ્લેખનીય છે કે હાલ દેશમાં અને ખાસ કરીને ગુજરાતમાં લગ્નનો માહોલ ચાલી રહ્યો છે અને એક તરફ પેટ્રોલ-ડીઝલના ભાવ દઝાડી રહ્યા છે ત્યારે પ્રજા પણ ત્રાહિમામ પોકારી ઉઠી છે. ત્યારે સોના-ચાંદીની કિંમતમાં થયેલ સામાન્ય ઘટાડો સોનાની ખરીદી કરનાર માટે આંશિક ઠંડક આપનારો છે.