વિશ્વ / સોનામાં તેજીના ઈતિહાસનું પન્નું ફરી વંચાશે: શું ગોલ્ડમાં રોકાણ કરવાનો બેસ્ટ સમય છે? ભાવ આસમાન આંબશે

• અમેરિકામાં 2 બેંકો નાદાર 
• વૈશ્વિક બજારમાં વધ્યા સોનાનાં ભાવ
• આર્થિક મંદીનું બની શકે છે કારણ

અમેરિકામાં 3 દિવસમાં જ 2 બેંકો ડૂબી જવાથી અફરા-તફરી મચી ગઈ છે. પહેલા સિલિકૉન વેલી બેંક (Silicon valley bank) બંધ થઈ ગઈ છે અને આજે સિગ્નેચર બેંક પર તાળા લાગી ગયાં છે. આ બેંકની પાસે 110 બિલિયન ડોલરનાં એસેટ્સ છે. બંને બેંકોનાં ડૂબવાની અસર સમગ્ર દુનિયા પર જોવા મળી રહી છે. દુનિયાભરનાં શેર બજારોમાં ઘટાડો નોંધાયા બાદ સોનાનાં ભાવ વધી રહ્યાં છે. વૈશ્વિક બજારમાં સપ્તાહની શરૂઆતનાં બાદથી જ શુક્રવારે સોનું 3% જેટલું ચઢી ગયું હતું. 

2008માં પણ બની હતી આવી ઘટના

2008માં પણ આર્થિક મંદીની શરૂઆત અમેરિકાનાં 2 નાણાકીય સંસ્થાનો ડૂબવાને લીધે થઈ હતી. ત્યારે સોનાનાં ભાવોમાં વધારો જોવા મળ્યો હતો. અમેરિકામાં 2 બેંકો ડૂબવાને લીધે કેટલાક વિશેષજ્ઞ અમેરિકામાં આર્થિક મંદીની શરૂઆત માની રહ્યાં છે. 2008માં મંદીની શરૂઆત લીમન બ્રધર્સ અને વોશિંગ્ટન મ્યૂચુઅલનાં ડૂબવા બાદ શરૂ થઈ હતી. પહેલા ટેક કંપનીઓના ભારી સંખ્યામાં કર્મચારીઓને નિકાળવું અને હવે બંને બેંકો નાદાર જાહેર થવાને લીધે અમેરિકામાં મંદીની આશંકા બળ પકડી રહી છે.

શા માટે મોંઘુ થયું સોનું?
આ બંને અમેરિકી બેન્કો નાદાર થયા બાદ રોકાણકારો હતાશ થયાં છે. અમેરિકાની આ ઘટનાની અસર સમગ્ર વિશ્વની આર્થિક સિસ્ટમ પર થશે તેમાં શંકાને સ્થાન નથી. તેનાથી દુનિયામાં અનિશ્ચિતતા ફેલાશે. જ્યારે પણ વિશ્વમાં ઊથલ-પુથલ થાય છે ત્યારે સોનાની માગમાં વધારો થાય છે. આ જ કારણ છે કે હવે અમેરિકી બેંકિંગ સિસ્ટમમાં ઉથલ-પાથલ થવાથી દુનિયાભરનાં ઈક્વિટી રોકાણકારો ચિંતિત છે. અને અચાનક સોનાની ખરીદીમાં વધારો થયો છે.

આજે પણ સોનાનાં ભાવમાં વધારો
વૈશ્વિક બજારમાં આજે પણ સોનાનાં ભાવોમાં 0.88% જેટલો વધારો નોંધાયો છે. જે બાદ સોનાનાં ભાવ ભારતમાં 1.59%નાં વધારા સાથે 57044 રૂપિયા પ્રતિ ગ્રામ થયું છે.