સસ્તામાં સોનું ખરીદવું હોય તો આજે છે સોનેરી તક. RBIની સ્કીમ સૉવરિન ગોલ્ડ બોન્ડ સ્કીમ હેઠળ સસ્તામાં કરો સોનાની ખરીદી
આજે સોનું ખરીદવાનું સુવર્ણ તક
RBIની સોવરિન ગોલ્ડ બોન્ડ સ્કીમ 2021-22
સ્કીમ હેઠળ સસ્તામાં મેળવી શકાશે સોનું
એક તરફ કોરોનાકાળને લીધે આર્થિક રીતે મંદીનો અનુભવ થઇ રહ્યો છે જો કે હવે તો કામ ધંધા રાબેતામુજબ શરુ થઇ ગયા છે પરંતુ હજી પણ કોરોનાની અસર વર્તાઇ રહી છે. તેમાં પણ સોના ચાંદીના ભાવ આસમાને પહોંચ્યા છે. મધ્યમવર્ગીય માણસને જો સોનું ખરીદવુ હોય તો રાહ જોતો હોય છે કે ક્યારે સોનાના ભાવ ડાઉન થાય. ત્યારે સોનું ખરીદવા માંગતા લોકો માટે આજે સુવર્ણ તક છે. કારણ કે સોવરિન ગોલ્ડ બોન્ડ સ્કીમનો નવમો તબક્કો, સોવરેન ગોલ્ડ બોન્ડ સ્કીમ 2021-22 (શ્રેણી IX)આજથી શરૂ થયો છે. આ યોજના હેઠળ, આજે એટલે કે 10 જાન્યુઆરીથી 14 જાન્યુઆરી સુધી, તમે સસ્તામાં સોનું ખરીદી શકો છો.
સોવરિન ગોલ્ડ બોન્ડમાં સોનાની કિંમત શું ?
RBIએ સોવરિન ગોલ્ડ બોન્ડ 2021-22ની નવમી શ્રેણી માટે સોનાની 4786 રૂપિયા પ્રતિ ગ્રામની ઈશ્યૂ કિંમત નક્કી કરી છે. આરબીઆઈએ આ નવમા તબક્કા માટે સોનાની કિંમત અગાઉની શ્રેણી કરતા ઓછા દરે ગ્રામદીઠ રૂ. 4786 નક્કી કરી છે.
નવમી શ્રેણીમાં કિંમતમાં ઘટાડો
સરકારે નવમી શ્રેણીમાં આઠમી સિરીઝની ઈશ્યુ પ્રાઈસ કરતા પ્રતિ ગ્રામ રૂ. 5નો ઘટાડો કર્યો છે. આઠમી સિરીઝ માટે ઇશ્યૂની કિંમત રૂ. 4791 પ્રતિ ગ્રામ નક્કી કરવામાં આવી હતી જ્યારે નવમી સિરીઝ માટે રૂ. 4786 નક્કી કરવામાં આવી છે.
ઓનલાઈન ખરીદી કરશો તો મળશે ડિસ્કાઉન્ટ
જો તમે સોવરિન ગોલ્ડ બોન્ડમાં ઓનલાઈન અથવા ડિજિટલ પદ્ધતિથી સોનું ખરીદો છો, તો તમે તેના પર 50 રૂપિયા વધુ ડિસ્કાઉન્ટ આપવામાં આવે છે. સામાન્ય રીતે પ્રતિ ગ્રામ રુ.4786 થાય જેમાં 50રૂપિયાનું ડિસ્કાઉન્ટ એટલે કે રુ.4736 પ્રતિગ્રામના દરે તમે સોનું ઓનલાઇન ખરીદી શકશો.
ઓનલાઈન કેવી રીતે રોકાણ કરવું ?
NSE પર ગોલ્ડ બોન્ડના એકમો ખરીદો અને તેના મૂલ્ય જેટલી રકમ તમારા ડીમેટ ખાતા સાથે જોડાયેલા ખાતામાંથી કાપવામાં આવે છે.
સોવરિન ગોલ્ડ બોન્ડ સ્કીમની સ્થિતિ
આ સ્કિમ હેઠળ લોક-ઇન સમયગાળો 5 વર્ષનો છે અને 8 વર્ષ પછી પરિપક્વ થાય છે. જો તમે તેને 5 વર્ષ પછી જ વેચવા માંગો છો, તો તમારે લોંગ ટર્મ કેપિટલ ગેઈન ટેક્સ મુજબ 20.80 ટકા ચાર્જ ચૂકવવો પડશે. જો તમે 8 વર્ષ સુધી હોલ્ડ કરો છો અને બોન્ડ્સ મેચ્યોર થાય છે, તો તમારે તેમને વેચવા પરના નફા પર કોઈ ટેક્સ ચૂકવવો પડશે નહીં.
તમે તેમાં કેવી રીતે રોકાણ કરી શકો છો?
આરબીઆઈએ બેંક શાખાઓ, પોસ્ટ ઓફિસ, સ્ટોક એક્સચેન્જ અને સ્ટોક હોલ્ડિંગ કોર્પોરેશન ઓફ ઈન્ડિયા (SHCIL) દ્વારા તેમાં રોકાણ કરી શકો છે. પરંતુ જો તમે ઓફલાઇન સોનું ખરીદવા માગતા હોવ તો, તમે આ સ્થળોની મુલાકાત લઈને રોકાણ કરી શકો છો.
સોવરિન ગોલ્ડ બોન્ડની વિશેષતા શું ?
સોનું સસ્તા સ્વરૂપમાં ઉપલબ્ધ થાય છે
રોકાણ કરેલી રકમ પર 2.5 ટકાનું નિશ્ચિત વળતર મળે છે
દર 6 મહિને તે ખાતામાં જમા થાય છે, તે સ્લેબ અનુસાર કરપાત્ર છે.