સોના અને ચાંદીએ નવા વર્ષની શરૂઆત ધમાકેદાર કરી છે. મલ્ટી કોમોડિટી એક્સચેંજ (MCX) પર ફેબ્રુઆરી વાયદામાં આશરે 2% નો વધારો જોવા મળી રહ્યો છે. સોનામાં રૂ 750 ના વધારા સાથે આશરે 51 હજાર રૂપિયાના કારોબાર થઈ રહ્યા છે.
નવા વર્ષે સોના-ચાંદીના ભાવમાં ઉછાળો
લાખ રૂપિયા સુધી ચાંદી પહોંચવાના એંધાણ
સોનું પણ પહોંચી શકે છે 66,000 પર
કોમોડિટી માર્કેટના નિષ્ણાતો 2021 ને સોના માટે ખૂબ જ શુભ માને છે. ઘણા નિષ્ણાતો કહે છે કે જો 2021 માં સોનું 66,000 પર જશે, તો ચાંદી પણ 1 કિલો દીઠ 1 લાખના રૂપિયા સુધી પહોંચી શકે છે.
2021 માં સોનું ક્યાં સુધી જશે સોનું
ઉલ્લેખનીય છે કે, બ્રોકરેજ ગૃહોએ સોના-ચાંદી વિશે પોતાનો અંદાજ જણાવી દીધો છે. જેમાંથી 55 ટકા દલાલોએ ધાર્યું છે કે 2021 માં સોનું 10 ગ્રામ દીઠ 60,000-66,000 ની રેન્જમાં વેપાર કરશે, જ્યારે 45 ટકા દલાલો કહે છે કે સોનું 10 ગ્રામ દીઠ રૂ. 55,000-58,000 ની સપાટી પર રહેશે.
2021 માં ચાંદીના ભાવ ક્યાં સુધી પહોંચશે
સોના સિવાય દલાલોએ પણ વધારાના અંદાજ આપ્યા છે. ચોઇસ બ્રોકિંગનું માનવું છે કે સોનું 2021 માં પ્રતિ કિલો 1,00,000 ને સ્પર્શી શકે છે. 80 ટકા બ્રોકર્સનું માનવું છે કે ચાંદી 2021 માં પ્રતિ કિલો 75,000-85,000 ની રેન્જમાં હશે, જ્યારે 20 ટકા લોકો કહે છે કે ભાવ 90,000-1,00,000 સુધી જઈ શકે છે.
1 લાખ પ્રતિ કિલો થઇ શકે છે ચાંદીના ભાવ
ચાંદીની કિંમતમાં આજેપણ ખૂબ જ તેજી જોવા મળી રહી છે. ચાંદીના MCX પર માર્ચ વાયદો 3 ટકાની મજબૂતાઇ જોવા મળી રહ્યા છે. ભાવ 2000 રૂપિયાથી વધુ મજબૂત થઇને 70150 રૂપિયા પ્રતિ કિલોગ્રામ પર પહોંચી ચૂક્યા છે. જો આવી જ તેજી યથાવત રહેશે તો ચાંદીના ભાવ 1 લાખને આંબી શકે છે.