ચાંદી રૂ. 101 વધી રૂ. 56,451 પ્રતિ કિલોગ્રામ પર પહોંચી
વૈશ્વિક બજારોમાં નબળા વલણ વચ્ચે ગુરુવારે દિલ્હી બુલિયન માર્કેટમાં સોનું રૂ. 66 ઘટીને રૂ. 50,516 પ્રતિ 10 ગ્રામ પર આવી ગયું હતું. છેલ્લા ટ્રેડિંગ સેશનમાં સોનું 50,582 રૂપિયા પ્રતિ 10 ગ્રામ પર બંધ થયું હતું. જોકે ચાંદી રૂ. 101 વધી રૂ. 56,451 પ્રતિ કિલોગ્રામ પર પહોંચી હતી. છેલ્લા ટ્રેડિંગ સેશનમાં તે રૂ. 56,350 પ્રતિ કિલોના સ્તરે બંધ રહ્યો હતો.
આંતરરાષ્ટ્રીય બજારમાં સોનું નીચામાં 1,630.8 ડોલર પ્રતિ ઔંસ પર ટ્રેડ કરી રહ્યું હતું. જ્યારે ચાંદી પણ વધીને 18.46 ડોલર પ્રતિ ઔંસ થઈ હતી. આ વર્ષે માર્ચમાં સોનાની કિંમત 55,000 રૂપિયાના સ્તરને સ્પર્શી ગઈ હતી. એટલે કે આ સમયે સોનું આ વર્ષના રેકોર્ડ હાઈ કરતાં 5000 રૂપિયા સસ્તું છે.
HDFC સિક્યોરિટીઝના રિસર્ચ એનાલિસ્ટે જણાવ્યું હતું કે, COMEX (કોમોડિટી માર્કેટ) માં સ્પોટ ગોલ્ડ ત્રણ સપ્તાહ કરતાં વધુની નીચી સપાટીએ આવી ગયું, કારણ કે ડૉલર મજબૂત થયો અને ફેડરલ રિઝર્વ દ્વારા વ્યાજદરમાં વધારો ચાલુ રાખવાની સંભાવના પર યુએસ ટ્રેઝરી યીલ્ડમાં વધારો થયો.