સોનો ભાવ અત્યાર સુધીમાં 11 મહિનામાં સૌથી નીચલા સ્તર પર આવી ચૂક્યું છે. સોનાના ભાવમાં સતત ઘટાડો નોંધાઈ રહ્યો છે. મંગળવારે સોનું 305 રુપિયા ઘટીને 46, 756 રુપિયા પ્રતિ 10 ગ્રામ પહોંચી ગયુ છે. આ ચાર રીતથી જો રોકાણ કરશો તો ડબલ ફાયદો થવાની શક્યતા છે.
1. સોવરેન ગોલ્ડ બ્રાન્ડ
સોનાના રોકાણ માટે સોવરેન ગોલ્ડ બોન્ડ સૌથી સારું છે. આ સરકારી સ્કીમમાં રોકાણ કરવાથી રિસ્ક બહું ઓછુ થઈ જાય છે અને તમે ચિંતામુક્ત થઈ રિટર્ન મેળવી શકો છો. સોવરેન ગોલ્ડ બોન્ડ રિઝર્વ બેન્ક જારી કરે છે. આમાં ગોલ્ડના ભાવ ઉપરાંત 2.5 ટકા ફિક્સ્ડ રિટર્ન મળે છે.
2. ગોલ્ડ એક્સચેન ટ્રેડેડ ફંડ્સ (Gold ETF)
સોનાને શેરની જેમ ખરીદીની સુવિધાને ગોલ્ડ ઈટીએફ કહે છે. આ મ્યૂચ્યુઅલ ફંડની સ્કીમ છે. આ રોકાણનો સૌથી સસ્તો વિકલ્પ છે. આ એક્સચેન્જ ટ્રેડડ ફંડ છે જેને સ્ટોક એક્સચેન્જો પર ખરીદી વેચી શકાય છે. જો કે આ ગોલ્ડ ઈટીએફના બેન્ચમાર્ક સ્પોર્ટ ગોલ્ડની કિંમત છે તેને તમે સોનાની વાસ્તવિક કિંમતની નજીક ખરીદી શકો અને તેને વેચવા પર તેમને સોનું નહીં પણ તે સમયના બજાર મૂલ્યો બરાબર રકમ મળે છે.
3. ગોલ્ડ મ્યૂચ્યલ ફંડ (Gold Mutual Funds)
ગોલ્ડ ઈટીએફની સરખામણીમાં ગોલ્ડ મ્યુચ્યલ ફંડમાં રોકાણ સરળ છે. તમે સીધા ઓનલાઈન અથવા ડિસ્ટ્રીબ્યૂટર્સના માઘ્યમથી ગોલ્ડ મ્યૂચ્યલ ફંડમાં રોકાણ કરી શકો છો. ગોલ્ડ મ્યૂચ્યલ ફંડમાં એએમસી રિટર્ન માટે ગોલ્ડ ઈટીએફમાં પોતાના કોપર્સનું રોકાણ કરી શકે છે. આ ઉપરાંત આના રોકાણકારોને એસઆઈપીના માધ્યમથી રોકાણની પરવાનગી મળે છે. આ ઓપન એન્ડેડ રોકાણ પ્રોડક્ટ છે. જે ગોલ્ડ એક્સચેન્જ ટ્રેડેડ ફંડમાં રોકાણ કરે છે અને તેનો નેટ અસેટ વેલ્યૂ (NAV) ETFsના પ્રદર્શન સાથે જોડાયેલું છે.
4. પેમેન્ટ એપથી ખરીદી શકાય છે ગોલ્ડ
તમે તમારા સ્માર્ટફોનથી ડિજિટલ સોનામાં રોકાણ કરી શકો છો. આ માટે બહું વધારે પૈસા ખર્ચવાની જરુર નથી હોતી. તમે તમારી સુવિધાનુસાર જેટલી કિંમતનું ઈચ્છો, સોનું ખરીદી શકો છો. આ સુવિધા એમેઝોન પે, ગૂગલ પે, પેટીએમ, ફોન પે અને મોબિક્વિક જેવા પ્લેટફોર્મ પર ઉપલબ્ધ છે.