સોના-ચાંદીના ભાવમાં સતત બીજા દિવસે ઘટાડો નોંધાયો છે. રૂપિયો મજબૂત થવાને કારણે બુધવારે સ્થાનિક બજારમાં સોનાના ભાવમાં ઘટાડો નોંધાયો હતો. દિલ્હીના બુલિયન માર્કેટમાં 10 ગ્રામ સોનાના ભાવમાં 182 રૂપિયાનો ઘટાડો નોંધાયો હતો. સોનાની તુલનામાં ચાંદીની કિંમતમાં મોટો ઘટાડો નોંધાયો છે. એક કિલોગ્રામ ચાંદીના ભાવ 1083 રૂપિયા ઘટી ગયા હતા.
સોનાના ભાવ(Gold Rate on 29th January)
સતત બીજા દિવસે દિલ્હીના બુલિયન માર્કેટમાં સોનાનો ભાવ 41,201 રૂપિયાથી ઘટીને 41,019 રૂપિયા પ્રતિ 10 ગ્રામ થયો છે. આંતરરાષ્ટ્રીય બજારમાં પણ સોના-ચાંદીની કિંમતોમાં ઘટાડો જોવા મળ્યો છે. નોંધનીય છે કે, સોનાની કિંમતમાં તેજી નોંધાઇ હતી.
ચાંદીના ભાવ (Silver Rate on 29th January)
સોનાના ભાવની સરખામણીએ ચાંદીની કિંમતમાં મોટો ઘટાડો નોંધાયો હતો. ઔદ્યોગિક માગ ઘટવાને કારણે એક કિલોગ્રામ ચાંદીના ભાવ 47,693થી ઘટીને થઇ ગયા છે, આંતરરાષ્ટ્રીય બજારમાં સોનાની કિંમત 1,568 ડોલર પ્રતિ ઔંસ રહી જ્યારે ચાંદીના ભાવ 117.47 ડોલર પ્રતિ ઔંસ રહ્યું.
ચાલુ નાણાકીય વર્ષના એપ્રિલથી ડિસેમ્બરના ગાળામાં સોનાની આયાત 6.77 ટકા ઘટીને 23 અબજ ડોલર થઈ છે. વાણિજ્ય મંત્રાલયના જણાવ્યા અનુસાર, નાણાકીય વર્ષ 2018-19ના સમાન ત્રિમાસિક ગાળામાં પીળી ધાતુની આયાત 24.73 અબજ ડોલર રહી છે. સોનાની ઓછી આયાતથી દેશને વેપારમાં નુકસાન ઓછું કરવામાં મદદ મળી છે. સમીક્ષા હેઠળના સમયગાળામાં તે 118 અબજ ડોલર હતું, જે એક વર્ષ અગાઉ 2018-19ના એપ્રિલ-ડિસેમ્બર સમયગાળામાં 148.23 અબજ ડોલર હતું.