અમેરિકા અને ઈરાન ટેન્શન જેમ જેમ વધી રહ્યું છે તેમ રોકાણકારો ગભરાઈ રહ્યા છે. રોકાણકારો સોનામાં સુરક્ષિત રોકાણ કરી રહ્યા છે અને સાથે જ ભારે ખરીદીના કારણે આજે સોનાનો ભાવ રેકોર્ડ સ્તર પર 41000ને પાર પહોંચ્યો છે. આંતરરાષ્ટ્રીય ગોલ્ડ માર્કેટમાં સોનાનો ભાવ 7 વર્ષની ટોચ પર પહોંચ્યો છે.
રોકાણકારો શેરમાર્કેટથી નફો વસૂલી રહ્યા છે અને સોનામાં રોકાણ કરી રહ્યા છે.
10 ગ્રામ સોનાનો ભાવ 41 હજારને પાર
અમેરિકા અને ઈરાનમાં વધી રહેલા ટેન્શનના કારણે શેર બજાર તૂટ્યું છે અને રોકાણકારો સુરક્ષિત રોકાણ તરફ આગળ વધી રહ્યા છે. આંતરરાષ્ટ્રિય હોય કે ઘરેલૂ, સોનાના ભાવ સતત વધી રહ્યા છે. અઠવાડિયાના પહેલા કારોબારી દિવસે જ્યારે આંતરરાષ્ટ્રિય ગોલ્ડ માર્કેટમાં સોનાના ભાવ 7 વર્ષની ટોચે પહોંચ્યા છે. એસમીએક્સ પર પણ રેકોર્ડમાં વધારો જોવા મળી રહ્યો છે.
સોનું 41 હજારની પાર પહોંચ્યું
અમેરિકાના હવાઇ હુમલામાં જનરલ કાસિમ સુલેમાનીની હત્યા બાદ ઈરાન યુએસ વિરુદ્ધ આગ લગાવી રહ્યું છે. પરિસ્થિતિ યુદ્ધ તરફ આગળ વધી રહી છે, જેના કારણે સમગ્ર વિશ્વના રોકાણકારોમાં અનિશ્ચિતતાનું વાતાવરણ છે. શેરબજારમાંથી રોકાણકારો નફો કરી રહ્યા છે અને સોનાને સલામત ગણાવીને તેમાં પૈસા નાંખી રહ્યા છે, જેના કારણે સોનાના ભાવ સતત વધી રહ્યા છે. સપ્તાહના પ્રથમ કારોબારના દિવસે સોનું 41 હજારની પાર પહોંચી ચૂક્યું છે.
સૌથી ઊંચા સ્તરે પહોંચ્યું સોનું
એમસીએક્સના વાયદા કારોબારમાં પણ 5 ફેબ્રુઆરીનું સોનું આજથી 194 રૂપિયાના વધારા સાથે 40250ને પાર ખૂલ્યું હતું અને સાથે જ સવારે 10.15 મિનિટે તે લગભગ 852 રૂપિયાના વધારાની સાથે 40964 પર ટ્રેડ કરી રહ્યું હતું. કારોબાર સમયે તે ફરી એક વાર 41096ના હાઈ લેવલે પહોંચ્યું છે.
આંતરરાષ્ટ્રિય બજારમાં સોનાનો ભાવ
ગ્લોબલ માર્કેટમાં સ્પોટ ગોલ્ડ 1.4 ટકાના વધારાની સાથે 1573.14 પ્રતિ ગ્રામના સ્તરે પહોંચ્યું. શરૂઆતમાં તે 15799 ડોલર સુધી પહોંચ્યું હતું. તે 10 એપ્રિલ 2013 પછી સૌથી ઊંચું હતું. યૂએસ ગોલ્ડ ફ્યુચર્સની વાત કરીએ તો આ 1.6 ટકાના વધારાની સાથે 1,577.80 ડોલર પ્રતિ ગ્રામના સ્તરે જોવા મળ્યું હતું.
આવી રહી ચાંદીની સ્થિતિ
ચાંદીની કિંમતમાં પણ મોટો વધારો જોવા મળ્યો છે. કારોબારમાં 5 માર્ચની ચાંદી આજે સવારે 724 રૂપિયાના વધારા સાથે 48251 પ્રતિ કિલોગ્રામ પર ખૂલી હતી. સવારે 10.15 મિનિટે આ 987 રૂપિયાના વધારાની સાથે 48514 પર ટ્રેડ કરી રહી હતી. કારોબાર સમયે તે 48660ના સ્તરે પહોંચી હતી.