જો તમે લગ્ન માટે સોનું ખરીદવાનો પ્લાન બનાવી રહ્યા છો તો તમારી પાસે ખાસ અવસર છે. સોનું અત્યાર સુધી રેકોર્ડ લેવલથી 9000 રૂપિયા નીચે ટ્રેડ કરી રહ્યું છે.
આજે રેકોર્ડ લેવલથી સસ્તુ થયું સોનુ
ખરીદીનો છે પ્લાન તો જલ્દી કરો
રેકોર્ડ લેવલથી 9000 રૂપિયા નીચે આવ્યું સોનું
ગયા અઠવાડિયે આવેલા મોટા ઘટાડા બાદ ભારતીય બજારોમાં આજે સોના અને ચાંદીની કિંમતોમાં વધારો જોવા મળ્યો છે. એમસીએક્સ પર સોનામાં વધારો જોવા મળી રહ્યો છે. આજે 0.6 ટકાના વધારાની સાથે આજે 47004 રૂપિયા પ્રતિ 10 ગ્રામ રહ્યું છે. તો ચાંદી પણ 0.6 ટકા વધીને 68789 રૂપિયા પ્રતિ કિલોગ્રામ થઈ છે. રેકોર્ડ લેવલથી સોનાની કિંમતોમાં 9000 રૂપિયાનો ઘટાડો જોવા મળી રહ્યો છે. ઈન્ટરનેશનલ માર્કેટની વાત કરીએ તો અહીં સોનું સપાટ લેવલ પર ટ્રે઼ડ કરી રહ્યું છે. હાજર સોનું 1776.66 ડોલર પ્રતિ ઓંસ પર કારોબાર કરી રહ્યું છે. જ્યારે ચાંદી 25.90 ડોલર પ્રતિ ઓંસ પર સ્થિર રહ્યું હતું.
સોનાની કિંમત
સોમવારે મલ્ટી કમોડિટી એક્સચેન્જ પર જૂન વાયદા સોનાના ભાવ 270 રૂપિયા વધીને 47007 રૂપિયા પ્રતિ 10 ગ્રામ પર કારોબાર કરી રહ્યો છે.
ચાંદીની કિંમત
એમસીએક્સ પર મે વાયદા ચાંદીની કિંમત 401 રૂપિયા વધીને 67925 રૂપિયા પ્રતિ કિલોગ્રામ પર ટ્રેડ કરી રહ્યું છે, સ્પોટ માર્કેટમાં ચાંદીની કિંમત 25.90 ડોલર પ્રતિ ઓંસ પર રહી છે.
આ રીતે ચેક કરી શકાશે સોનાની શુદ્ધતા
ઉલ્લેખનીય છે કે સોનાની શુદ્ધતા ચેક કરવા ઈચ્છો છો તો સરકારની તરફથી એક એપ બનાવવામા આવી છે. 'BIS Care app'થી ગ્રાહકો સોનાની શુદ્ધતાની તપાસ કરી શકે છે. આ એપમાં સોનાની શુદ્ધતાની તપાસની ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો તેની ફરિયાદ ગ્રાહક કરી શકે છે. આ એપની મદદથી તરત જ ગ્રાહકને ફરિયાદ નોંધ્યાની જાણકારી પણ મળી રહે છે.