Gold Silver Price Today / સોના અને ચાંદીના ભાવમાં આવ્યો મોટો ઉછાળોઃ 72000 રૂપિયાને પાર થઈ ચાંદી, ખરીદી પહેલા જાણો નવો ભાવ

• સોના અને ચાંદીની કિંમતોમાં ફરીથી ઉછાળો 
• ચાંદીના ભાવ 72000 રૂપિયા કિલો સુધી પહોંચ્યા
• ખરીદી પહેલા જાણો નવો ભાવ

સોના અને ચાંદીમાં ગયા અઠવાડિયે આવેલા ઘટાડા બાદ આજે ફરી એકવાર જોરદાર વધારો જોવા મળી રહ્યો છે. ભારતીય બજારોમાં સોના અને ચાંદીની કિંમતમાં ઉછાળો જોવા મળી રહ્યો છે. એમસીએક્સ પર આજે સોનું 0.16 ટકાના વધારા સાથે 47670 રૂપિયા પ્રતિ 10 ગ્રામ પર પહોંચ્યું છે તો ચાંદી 0.26 ટકા વધીને 72000 રૂપિયા પ્રતિ કિલોના ભાવે પહોંચ્યું છે. એક રીતે જોઈએ તો લગ્ન સીઝનની સાથે સોનાના ભાવમાં પણ ચમક જોવા મળી રહી છે.  ઈન્ટરનેશનલ માર્કેટની વાત કરીએ તો અહીં સોનાના ભાવ સપાટ લેવલ પર ટ્રેન્ડ કરી રહ્યા છે. હાજર સોનું 1815 ડોલર પ્રતિ ઔસની સાથે કારોબાર કરી રહ્યું હતું.
 

સોનાની નવી કિંમતો
શુક્રવારે મલ્ટી કોમોડિટી એક્સચેન્જ પર સોનાની કિંમત 0.16 ટકાના વધારાની સાથે 47670 રૂપિયા પ્રતિ 10 ગ્રામ પર પહોચ્યું છે. કાલે સોનાના ભાવ 0.23 ટકાના વધારા સાથે 47108 પ્રતિ 10 ગ્રામ પર પહોંચ્યા છે. 

ચાંદીની નવી કિંમતો
ચાંદીના ભાવમાં 2000 રૂપિયાનો વધારો થયો છે. એમસીએક્સ પર મે મહિનામાં વાયદા ચાંદીની કિંમત 0.26 ટકા વધીને 71869 રૂપિયા પ્રતિ કિલોગ્રામ પર આવી છે. જ્યારે કાલે ચાંદીની કિંમત 69809 રૂપિયા પ્રતિ કિલોગ્રામ થઈ હતી.  
 

શા માટે આવી રહ્યો છે સોનાના ભાવમાં વધારો
એચડીએફસી સિક્યોરિટીના સીનિયર એનાલિસ્ટ તપન પટેલના આધારે ડોલરની સરખામણીએ રૂપિયામાં આવેલો ઘટાડાના કારણે ભારતીય બજારોમાં સોનાના ભાવ વધ્યા છે. કોરોના વાયરસના નવા કેસમાં આવેલા વધારાના કારણે લોકો સુરક્ષિત રોકાણ વિકલ્પ પસંદ કરી રહ્યા છે. તેનાથી સોનાની કિંમતોને સમર્થન મળી રહ્યું છે. 
 
આ રીતે ચેક કરી શકાશે સોનાની શુદ્ધતા
ઉલ્લેખનીય છે કે સોનાની શુદ્ધતા ચેક કરવા ઈચ્છો છો તો સરકારની તરફથી એક એપ બનાવવામા આવી છે. 'BIS Care app'થી ગ્રાહકો સોનાની શુદ્ધતાની તપાસ કરી શકે છે. આ એપમાં સોનાની શુદ્ધતાની તપાસની ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો તેની ફરિયાદ ગ્રાહક કરી શકે છે. આ એપની મદદથી તરત જ ગ્રાહકને ફરિયાદ નોંધ્યાની જાણકારી પણ મળી રહે છે.