બુધવારે સોનાના ભાવમાં ઘટાડો આવ્યો છે. સોનુ 208 રુપિયા ઘટ્યું છે આ ઘટાડા સાથે સોનું 50,000 થી નીચે આવ્યું છે.
સોનુ ખરીદવા માગતા લોકો માટે સારા સમાચાર
ભાવ આવ્યાં 50,000 ની નીચે
બુધવારે સોનામાં 208 રુપિયાનો ઘટાડો
49,900 રૂપિયાના ભાવે વેચાઈ રહ્યું છે
સોના-ચાંદી એવી ધાતુ છે જેના ભાવમાં વધઘટ થતી રહી છે એટલે કે જ્યારે પણ ભાવમાં ઘટાડો આવે ત્યારે દાગીના બનાવી લેવા વધારે હિતાવહ હોય છે. કારણ કે પછી ગમે ત્યારે તેના ભાવમાં અચાનક વધારો આવી જતો હોય છે. બુધવારે પણ ફરી એક વાર સોનાના ભાવમાં ઘટાડો નોંધાયો છે. જો તમે સોનું ખરીદવાનું વિચારી રહ્યા હોવ કે જરૂર હોય તો તમારા માટે સારા સમાચાર છે.આખરે સોનું 50,000 ની નીચે આવી ગયું છે.મંગળવારે તેજી નોંધાવ્યા બાદ, બુધવારે એટલે કે 18 મે, 2022 ના રોજ બુલિયનના ભાવમાં ઘટાડો થયો હતો.સોનું આજે 208 રૂપિયાથી વધુ ઘટીને 49,900 રૂપિયાના સ્તર પર આવી ગયું છે.
શું છે વાયદા બજારનો ભાવ
વાયદો રૂ.208 રુપિયા એટલે કે 0.41% ઘટયો હતો અને મેટલ રૂ.49,965 પ્રતિ 10 ગ્રામે હતો. છેલ્લે 50,173 બંધ રહ્યો હતો. તે જ સમયે, ચાંદીના વાયદાની વાત કરીએ તો, મેટલ 60,796 રૂપિયા પ્રતિ કિલોના સ્તરે હતું. તેમાં 360 રૂપિયા એટલે કે 0.59 ટકાનો મોટો ઘટાડો નોંધાયો હતો. છેલ્લા સત્રમાં તે 61,156 પર બંધ રહ્યો હતો.
આંતરરાષ્ટ્રીય કિંમતોમાં સોનાના ભાવમાં 0.3 ટકાનો વધારો
આંતરરાષ્ટ્રીય કિંમતોની વાત કરીએ તો GoldPrice.org મુજબ આંતરરાષ્ટ્રીય બજારમાં ભારતીય સમય પ્રમાણે સવારે 11.41 વાગ્યે સોનું 0.3 ટકા વધી રહ્યું હતું અને મેટલ 1814.05 ડોલર પ્રતિ ઔંસ પર કારોબાર કરી રહ્યું હતું. તે જ સમયે, ચાંદી 0.12 ટકાના વધારા સાથે 21.66 ડોલર પ્રતિ ઔંસ પર હતી.છેલ્લા અપડેટ સાથે ઇન્ડિયા બુલિયન એન્ડ જ્વેલર્સ એસોસિયેશન લિમિટેડ (આઇબીજેએ)ના રેટ પર નજર કરવામાં આવે તો આજે સોના-ચાંદીના ભાવ કંઇક આ પ્રકારે છે - (આ કિંમતો પ્રતિ ગ્રામ જીએસટી ચાર્જ વિના જણાવવામાં આવી છે)