આજે નવરાત્રિના પહેલા દિવસે સોનાની કિંમતોમાં મોટો ઘટાડો જોવા મળી રહ્યો છે.
સોનાની કિંમતોમાં મોટો ઘટાડો
સોનાની કિંમતોમાં 82 રુપિયા એટલે કે 0.17 ટકાનો ઘટાડો નોંધાયો
સોનું 46, 825 રુપિયા પ્રતિ 10 ગ્રામ ટ્રેડ કરી રહ્યું છે
આજથી નવરાત્રિ શરુ થઈ રહી છે. આ તહેવારની સીઝનમાં જો સોનાની ખરીદીનું પ્લાનિંગ કરી રહ્યા છો તો તમારા માટે ખુશખબરી છે. આજે ગુરુવારે સોનાની કિંમતોમાં મોટો ઘટાડો જોવા મળી રહ્યો છે. મલ્ટી કોમોડિટી એક્સચેન્જ પર સોનાની કિંમતોમાં 82 રુપિયા એટલે કે 0.17 ટકાનો ઘટાડો નોંધાયો છે. આજે સોનું 46, 825 રુપિયા પ્રતિ 10 ગ્રામ ટ્રેડ કરી રહ્યું છે. ગત વર્ષના સરખામણીએ આ વર્ષે સોનું 9,300 રુપિયા સસ્તુ મળી રહ્યું છે.
ચાંદી થઈ મોંઘી
ચાંદીની કિંમતની વાત કરીએ તો આજે ચાંદીના ભાવમાં 37 રુપિયા એટલે કે 0.06 ટકાનો સામાન્ય વધારો નોંધાયો છે. આ સાથે ચાંદી 61,040 રુપિયા પર કારોબાર કરી રહી છે.
જાણો તમારા શહેરોના સોનાના ભાવ
ગુડ રિટર્ન્સ વેબસાઈટ મુજબ ભારતમાં ગુરવારે 24 કેરેટ સોનું 46, 680 રુપિયા પ્રતિ 10 ગ્રામ પર વેચાઈ રહ્યું છે. ચાંદી કાલે કારોબારી ભાવથી 100 રુપિયાની તેજી સાથે 60, 700 રુપિયા પ્રતિ કિલોગ્રામ પર વેચાઈ રહી છે. નવી દિલ્હી અને મુંબઈમાં 10 ગ્રામ 22 કેરટ સોનુ 45750 રુપિયા અને 45, 680 રુપિયા પર વેચાઈ રહ્યું છે. વેબસાઈટ મુજબ ચેન્નાઈમાં પીળી ધાતુ 43, 920 રુપિયા પર વેચાઈ રહ્યું છે. દિલ્હીમાં 10 ગ્રામ 24 કેરેટ સોનું 49, 910 રુપિયા અને મુંબઈમાં 46, 680 રુપિયે વેચાઈ રહ્યું છે. ચેન્નાઈમાં આજે સવારે સોના 47, 910 રુપિયા પર વેચાઈ રહ્યું છે. કોલકત્તા માટે કિંમત 48, 700 રુપિયા છે.
મિસ્ડ કોલ કરી આ રીતે જાણો સોનાના ભાવ
ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.
આ રીતે ચેક કરો શુદ્ધતા
તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.