જે અંતર્ગત 24 કેરેટ ગોલ્ડની કિંમત આજે વધીને 46, 592 રુપિયા 10 ગ્રામ થઈ ગઈ છે. ત્યારે ચાંદીની કિંમતોમાં આજે 1030 રુપિયા પ્રતિ કિલોગ્રામ ઉછાળો જોવા મળ્યો છે. ચાંદી 28 સપ્ટેમ્બર બાદ એકવાર ફરી 60 હજારની ઉપર પહોંચી ગઈ છે. ઈન્ડિયન બુલિયન એન્ડ જ્વેલર્સ અસોસિયેશનની વેબસાઈટ (ibjarates.com) મુજબ 4 ઓક્ટોબરે દેશભરમાં સોના બજારમાં સોના- ચાંદીના હાજર ભાવ આ પ્રમાણે છે.
ઉલ્લેખનીય છે કે IBJA દ્વારા જારી કરવામાં આવેલા રેટ દેશમાં સર્વમાન્ય છે. જો કે આ વેબસાઈટના રેટમાં જીએસટી સામેલ નથી કરવામાં આવી હોતી. સોનાની ખરીદી કે વેચાણ સમયે IBJAના રેટનો હવાલો આપી શકાય છે. ઈન્ડિયન બુલિયન એન્ડ જ્વેલર્સ અસોશિયેશન મુજબ IBJA દેશના 14 સેન્ટરોથી સોના -ચાંદીના કરન્ટ રેટ લઈને તેનું સરેરાસ મૂલ્ય જણાવે છે. સોના-ચાંદીના કરન્ટ રેટ અથવા એમ કહીએ કે હાજર ભાવ અલગ અલગ જગ્યાઓ પર અલગ અલગ હોઈ શકે છે પણ તેમની કિંમતોમાં થોડું અંતર હોય છે.
શેરની જેમ ખરીદી શકા છે સોનું
ભારતીય પ્રતિભૂતિ અને વિનિમય બોર્ડે ગોલ્ડ એક્સચેન્જ માટે ફ્રેમવર્કને પરવાનગી આપી છે. ગોલ્ડ એક્સચેન્જ માટે ફ્રેમવર્કને SEBI રેગુલેશન્સ હેઠળ અપ્રૂવલ આપ્યું છે. સિક્યોરિટીઝ કોન્ટેક્ટ રેગુલેશન એક્ટ હેઠળ ઈલેક્ટ્રોનીક ગોલ્ડ રેસિટ્સને સિક્યોરિટીઝ તરીકે ઈશ્યૂ અને નોટિફાઈ કરવામાં આવશે. આ રીતે એક્સચેન્જ પહેલાથી ચાલી રહ્યું છે. દેશમાં પણ ગોલ્ડના ટ્રેડમાં પારદર્શિતા વધારવા માટે એક્સચેન્જ શરુ કરવાની માંગ કરવામાં આવી રહી છે.
મિસ્ડ કોલ કરી આ રીતે જાણો સોનાના ભાવ
ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.
આ રીતે ચેક કરો શુદ્ધતા
તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.