ખુશખબર / 8000 રૂપિયા સુધી સસ્તુ થયું સોનુ! ચાંદીના ભાવમાં પણ મોટો કડાકો, જાણો 10 ગ્રામનો લેટેસ્ટ ભાવ 

• શુક્રવારે દેશમાં સોના ચાંદીના ભાવમાં ઘટાડો થયો છે. 
• સોનું 388 રૂપિયા ઘટીને 47,917 રૂપિયા પ્રતિ 10 ગ્રામ પર આવી ગયું છે
• ચાંદી પણ 920 રૂપિયાના ઘટાડાની સાથે 69,369 રૂપિયા પ્રતિ કિલોગ્રામ પર આવી ગયું 

સોના અને ચાંદીની ખરીદી કરનાર માટે સારી ખુશ ખબર આવી છે. આજે સોના-ચાંદીની કિંમત ઘટી છે. શુક્રવારે દેશમાં સોના અને ચાંદીના ભાવોમાં ઘટાડો થયો છે. વૈશ્વિક બજારોમાં ઘટાડાની વચ્ચે રાજધાની દિલ્હીના બજારમાં શુક્રવારે સોનું 388 રૂપિયા ઘટીને 47,917 રૂપિયા પ્રતિ 10 ગ્રામ પર આવી ગયું છે. 

HDFC સિક્યોરિટીઝ અનુસાર દિલ્હીમાં ગયા કારોબારી સત્રમાં સોનું 48,305 રૂપિયા પ્રતિ 10 ગ્રામ પર બંધ થયું હતું. ચાંદી પણ 920 રૂપિયાના ઘટાડાની સાથે 69,369 રૂપિયા પ્રતિ કિલોગ્રામ પર આવી ગયું છે. જ્યારે પાછલા કારોબાર સત્રમાં ચાંદીના ભાવ 70,289 રૂપિયા પ્રતિ કિલોગ્રામ રહ્યા. આંતરરરાષ્ટ્રી બજારમાં સોના અને ચાંદીના ભાવ 70,289 રૂપિયા પ્રતિ કિલોગ્રામ રહ્યો. આંતરરાષ્ટ્રીય બજારમાં સોના અને ચાંદી બન્નો ક્રમશઃ 1,870 ડોલર અને 27.35 ડોલર પ્રતિ ઓંસ પર સ્થિર રહ્યા. 

ઉચ્ચતમ મૂલ્યથી 8000 રૂપિયા સસ્તુ થયું સોનું 
માર્કેટમાં પાછલા બે દિવસોમાં સોનાની કિંમતમાં 1000 રૂપિયાનો ઘટાડો થયો છે તો ત્યાં જ ચાંદીની કિંમતમાં પણ સતત ઘટાડાની સ્થિતિ જોવા મળી રહી છે. પાછલા બે દિવસોમાં ચાંદીના ભાવમાં લગભગ 2000 રૂપિયાનો ઘટાડો જોવા મળ્યો છે. ત્યાં જ જો સોનાના આ ભાવની તુલના કરીએ તો સોનાનું પોતાના ઉચ્ચતમ ભાવથી લગભગ 8000 રૂપિયા નીચે જતુ રહ્યું છે. તમને જણાવી દઈએ કે 7 ઓગસ્ટ 2020માં સોનાની કિંમત 56200 રૂપિયા પ્રતિ 10 ગ્રામના ભાવને પાર કરી ગઈ હતી. 

એમસીએક્સ પર સોનાની વાયદા કિંમતમાં 0.10 ટકાનો ઘટાડો આવ્યો અને ઘટીને 48600 રૂપિયા પ્રતિ 10 ગ્રામ પર પહોંચી ગયો. ત્યાં જ ચાંદીના ભાવમાં 0.21 ટકાનો ઘટાડો થયો છે અને તેનો ભાવ ઘટીને 70,663 રૂપિયા પ્રતિ કિલોગ્રામ પર પહોંચી ગયો છે. 

500થી 1000 રૂપિયાનું અંતર થઈ શકે છે
ઈન્ડિયા બુલિયન એન્ડ જ્વેલર્સ એસોસિએશન દ્વારા જાહેર આ રેટ અને તમારા શહેરના ભાવમાં 500થી 1000 રૂપિયાનું અંતર થઈ શકે છે. એસોસિએશન ઘણા બુલિયન માર્કેટના હાલના રેટના સરેરાશ મુલ્યને જણાવે છે. જણાવી દઈએ કે જો તમે સોનાની શુદ્ધતા ચેક કરવા માંગો છો તો તેના માટે સરકારની તરફથી એક એપ બનાવવામાં આવી છે. 'BIS Care app' જેના દ્વારા ગ્રાહક સોનાની શુદ્ધતાની તપાસ કરી શકે છે.