સોનું MCX પર ગ્રીન નિશાનમાં ઓપન થયા બાદ 50,449 રૂપિયા પ્રતિ દસ ગ્રામ પર ટ્રેડ કરી રહ્યું છે. પૈસામાં 81 રુપિયા એટલે કે 0.16 ટકાની તેજી જોવા મળી રહી છે.
ગ્રીન નિશાનમાં થઈ ઓપનિંગ
રૂ.50,449 પ્રતિ દસ ગ્રામ પર ટ્રેડ કરી રહ્યું છે સોનું
જાણો સોનામાં કેટલા રૂપિયાની આવી તેજી
આજે સપ્તાહના પહેલા ટ્રેડિંગ સોમવારે સોના અને ચાંદીના ભાવમાં ઉછાળો જોવા મળી રહ્યો છે. આજે સવારે MCX પર લીલા નિશાનમાં ખુલ્યા બાદ સોનું 50,449 રૂપિયા પ્રતિ દસ ગ્રામ પર ટ્રેડ થઈ રહ્યું છે. અત્યારે સોનામાં 81 રૂપિયા એટલે કે 0.16 ટકાનો વધારો જોવા મળી રહ્યો છે. ગયા સપ્તાહે સોનામાં ઘટાડા બાદ આ સપ્તાહની શરૂઆત તેજી સાથે થઈ છે. સાથે ચાંદીની કિંમત રૂ. 198 (0.37%) વધીને રૂ. 53,220 પ્રતિ કિલો પર છે.
ગયા અઠવાડિયે ઘટ્યા હતા ભાવ
ગયા અઠવાડિયે સોનાના ભાવમાં ઘટાડો જોવા મળ્યો હતો. ઈન્ડિયા બુલિયન એન્ડ જ્વેલર્સ એસોસિએશન એટલે કે IBJA ની વેબસાઈટ અનુસાર છેલ્લા ટ્રેડિંગ સપ્તાહની શરૂઆતમાં 24 કેરેટ સોનાનો ભાવ 51,265 હતો, જે શુક્રવાર સુધી ઘટીને 50,584 રૂપિયા પ્રતિ 10 ગ્રામ થઈ ગયો છે. સાથે 999 શુદ્ધતાની ચાંદીની કિંમત 54,316 રૂપિયાથી ઘટીને 52,472 રૂપિયા પ્રતિ કિલો પર આવી ગઈ છે.
મિસ કોલ કરી જાણો ગોલ્ડ રેટ
મહત્વનું છે કે આ રેટ્સને તમે ઘરે બેઠા સરળતાથી જાણી શકો છો. આ માટે તમારે આ નંબર 8955664433 પર એક મિસ્ડ કોલ આપવાનો રહેશે અને તમારા ફોન પર એક મેસેજ આવશે. જેમાં તમે લેટેસ્ટ રેટ ચેક કરી શકો છો.