તમારા કામનું / આજે ફરી સસ્તુ થયું સોનું, ચાંદીની કિંમતમાં પણ ઘટાડો, ચેક કરો આજના રેટ

• સોનાના ભાવમાં 0.4 ટકા ઘટાડાની સાથે 47, 406 રુપિયા પ્રતિ 10 ગ્રામ છે
• ચાંદી 0.19 ટકાનો ઘટાડા સાથે 65, 208 રુપિયા પ્રતિ કિલોગ્રામ 
• ગ્લોબલ માર્કેટમાં હાજર સોનું 0.2 ટકા વધી 1826.75 ડોલર પ્રતિ ઔંસ 

 સોનાના ભાવમાં 0.4 ટકા ઘટાડાની સાથે 47, 406 રુપિયા પ્રતિ 10 ગ્રામ છે

આજે સોનાની સાથે ચાંદી પણ સસ્તું થયું છે. નબળા ગ્લોબલ સંકેતોના કારણે સોના- ચાંદીની કિંમતોમાં ભાગે ઘટાડો જોવા મળી રહ્યો છે.  MCX પર આજે સોનાના ભાવમાં 0.4 ટકા ઘટાડાની સાથે 47, 406 રુપિયા પ્રતિ 10 ગ્રામના સ્તર પર છે. ચાંદી 0.19 ટકાનો ઘટાડા સાથે 65, 208 રુપિયા પ્રતિ કિલોગ્રામ પર આવી ગઈ છે. ગત સત્રમાં સોનું 0.17 ટકા સસ્તુ થયુ હતુ જ્યારે ચાંદીનો દર 0.19 ટકા વધી હતી.

ગ્લોબલ માર્કેટમાં હાજર સોનું 0.2 ટકા વધી 1826.75 ડોલર પ્રતિ ઔંસ 

નબળા અમેરિકન ડોલરની સાથે વૈશ્વિક બજારોમાં સોનાની કિંમતોમાં ભારે તેજી આવી. ગ્લોબલ માર્કેટમાં હાજર સોનું 0.2 ટકા વધી 1826.75 ડોલર પ્રતિ ઔંસ થઈ ગયો. અન્ય કિંમતી ધાતુઓમાં ચાંદી 0.4 ટકા વધી 24.76 ડોલર પ્રતિ ઔંસ થઈ ગઈ. જ્યારે પ્લેટિનમ વધીને 1, 020.26 ડોલર થઈ ગયો.

સોનાના ભાવ

ગુડ્સરિટર્નની વેબસાઈટ મુજબ 24 કેરેટ સોનાનો 10 ગ્રામનો ભાવ દિલ્હીમાં  50910 રુપિયા, મુંબઈ 47530 રુપિયા, ચેન્નાઈમાં 48850 અને કોલકત્તામાં 49650 રુપિયા છે. જ્યારે 22  કેરેટ સોનાનો 10 ગ્રામનો ભાવ દિલ્હીમાં  46660 રુપિયા, મુંબઈ 46530  રુપિયા, ચેન્નાઈમાં 44780 અને કોલકત્તામાં 46950 રુપિયા છે. 

મિસ્ડ કોલ કરી આ રીતે  જાણો સોનાના ભાવ

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.