બજાર / 9000 રુપિયા સુધી સસ્તુ થયુ સોનું, 2600 રુપિયા ઘટ્યો ચાંદીનો ભાવ, જાણો કેટલે પહોંચી કિંમત

• સોનાના ભાવમાં સતત ઉતાર ચઢાવ જારી
• 10 ગ્રામ 22 કેરેટ સોનાની કિંમત ઘટીને 47, 350 રુપિયા
• રેકોર્ડ લેવલથી 9000 રુપિયા સસ્તુ સોનું

સોનાના ભાવમાં સતત ઉતાર ચઢાવ જારી

સોના-ચાંદીની ખરીદી કરવાનો યોગ્ય સમય છે.  કેમ કે સોનાના ભાવમાં સતત ઉતાર ચઢાવ જારી છે. આજે શુક્રવારે ગુડ રિટર્ન્સ વેબસાઈટના જણાવ્યાનુસાર 10 ગ્રામ 22 કેરેટ સોનાની કિંમત 47, 410 રુપિયા ઘટીને 47, 350 રુપિયા પર આવી ગઈ છે. જો ચાંદીની વાત કરીએ તો આના રેટ 70, 300 રુપિયા પ્રતિ કિલો પર આવી ગઈ છે.  તેવામાં 24 કેટેર સોનાનો ભાવ શુક્રવારે 60 રુપિયા પ્રતિ 10 ગ્રામ ઘટવાની સાથે 48, 350 રુપિયા પર આવી ગયો છે. જે બાદ કારોબારી સત્રમાં 48, 410 રુપિયા હતો.

રેકોર્ડ લેવલથી 9000 રુપિયા સસ્તુ સોનું

સોનું ખરીદવાનો આ સારો સમય છે.  કેમ કે સોનાનો રેટ હજું પણ રિકોર્ડ હાઈથી 9000 રુપિયા સસ્તું ચાલી રહ્યું છે. ઉલ્લેખનીય છે કે ગત વર્ષ ઓગસ્ટમાં સોનાનો ભાવ 56, 000 રુપિયા પ્રતિ 10 ગ્રામ ઉપર આવી ગયો હતો.

સોનાના લેટેસ્ટ રેટ

ગુડ રિટર્ન્સ વેબસાઈટ મુજબ દિલ્હીમાં 22 કેરેટ સોનાનો ભાવ 47000 રુપિયા પ્રતિ 10 ગ્રામ છે. ચેન્નાઈમાં આ ઘટીને 45, 150 રુપિયા પર આવી ગયો છે. મુંબઈમાં 10 ગ્રામ ગોલ્ડનો રેટ 47, 350 રુપિયા છે. કોલકત્તામાં 47, 180 રુપિયા પ્રતિ 10 ગ્રામ છે.

ચાંદીનો આજનો ભાવ

આજે ચાંદીના ભાવમાં જબરજસ્ત ઘટાડો જોવા મળ્યો છે. વેબસાઈટના જણાવ્યાનુસાર શુક્રવારે ચાંદી 2600 રુપિયા સુધી સસ્તી થઈ ગઈ છે. દિલ્હીમાં 1 કિલો ચાંદીનો ભાવ 67, 700 છે. ત્યારે મુંબઈ, કોલકત્તા, ચેન્નાઈમાં ક્રમશઃ 67, 700, 67,700 અને 74 ,400 રુપિયા કિલો છે.

આ રીતે ચેક કરો શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.