MCX પર સોના વાયદો 0.03 ટકા ઘટીને 46,580 પ્રતિ 10 ગ્રામે પહોંચ્યો
ચાંદીની કિંમતમાં 0.15 ટકા ઘટીને 66, 884 રુપિયા પ્રતિ કિલોગ્રામ પર આવી
આ મહિનાની શરુઆતમાં ગોલ્ડ એક વર્ષની નીચલા સ્તર પર પહોંચી ગયું છે
MCX પર સોના વાયદો 0.03 ટકા ઘટીને 46,580 પ્રતિ 10 ગ્રામે પહોંચ્યો
MCX પર સોના વાયદો 0.03 ટકા ઘટીને 46,580 પ્રતિ 10 ગ્રામે પહોંચ્યો છે. ત્યારે ચાંદીની કિંમતમાં 0.15 ટકા ઘટીને 66, 884 રુપિયા પ્રતિ કિલોગ્રામ પર આવી છે. ઉલ્લેખનીય છે કે ગત સત્રમાં સોનુ 0.5 ટકા ઘટ્યુ હતુ. ગોલ્ડની કિંમતો ગત ઓગસ્ટમાં 56, 200ના સ્તર પર હતી. આ મહિનાની શરુઆતમાં ગોલ્ડ એક વર્ષની નીચલા સ્તર પર પહોંચી ગયું છે. સોનું 44 હજાર રુપિયા લોઅર લેવલ પર પહોંચ્યું હતુ. આ હિસાબે સોનાની કિંમતોમાં 12, 200 રુપિયાનો ઘટાડો જોવા મળી રહ્યો છે. જો કે હવે આ ઉચ્ચત્તમ મુલ્યની સરખામણીએ 10 હજાર સસ્તુ મળી રહ્યુ છે.
આ ઉપરાંત ઈન્ટરનેશનલ માર્કેટમાં અમેરિકામાં સોનાનો કારોબાર 5.50 ડોલર ઘટાડાની સાથે 1, 738.52 ડોલર પ્રતિ ઔંસ રેટ પર ચાલી રહ્યો છે. ત્યારે ચાંદીનો કારોબાર 0.11 ડોલર ઘટાડા સાથે 25.15 ડોલરના સ્તર પર રહ્યો છે.
24 કેરેટ ગોલ્ડનો ભાવ
24 કેરેટ ગોલ્ડના ભાવની વાત કરીએ તો આજે દિલ્હીમાં 10 ગ્રામની કિંમત 49820 રુપિયા છે. આ ઉપરાંત ચેન્નાઈમાં 47, 720 રુપિયા, મુંબઈમાં 45, 720 રુ. અને કોલકત્તામાં 48, 570 રુપિયા પ્રતિ 10 ગ્રામના સ્તર પર છે.
સોનામાં રોકાણ માટે આ યોગ્ય સમય છે. જેથી સોનાના ભાવમાં વધારાની સાથે સારુ રિટર્ન મેળવી શકાય છે. અત્યારે સોનાના ભાવ 46 હજારની પાસે છે. પરંતુ એપ્રિલ મહિનાના અંતમાં તેમાં વધારો થવાની શક્યતા છે. કેમ કે મે મહિનામાં અક્ષય તૃતીયા પણ છે તે સમયે લોકો સોનાની ખરીદી કરે છે.
આ રીતે ચેક કરો સોનાની શુદ્ધતા
ઉલ્લેખનીય છે કે જો તમે સોનાની શુદ્ધતા ચેક કરવા ઈચ્છો છો તો સરકારએ એક એપ બનાવી છે. 'BIS Care app' થી ગ્રાહકો સોનાની શુદ્ધતાની તપાસ કરી શકે છે. અહીં ફક્ત શુદ્ધતાની જ ખરાઈ નહીં પણ આની સાથે જોડાયેલી કોઈ પણ ફરિયાદ અહીં કરી શકાય છે. આ એપમાં જો સામાનના લાઈસેન્સ, રજિસ્ટ્રેશન અને હોલમાર્ક નંબર ખોટો જોવા મળે છે તો ગ્રાહક તેની ફરિયાદ તાત્કાલીક કરી શકે છે. આ એપના માધ્યમથી તાત્કાલીક ગ્રાહકોની ફરિયાદ દાખલ થયાની જાણકારી પણ મળી જશે.