સોના-ચાંદીની કિંમતમાં 4 દિવસથી સતત થઇ રહ્યો છે ઘટાડો જાણો શું છે આજનો ભાવ

સોનું સતત સસ્તુ થઇ રહ્યુ છે. સોનાના ભાવમાં શનિવારે પણ સતત ચોથા દિવસે ઘટાડો જોવા મળ્યો હતો. છેલ્લા 4 દિવસોમાં સોનાનો ભાવ અત્યાર સુધીમાં 620 રૂપિયા ઘટી ચૂક્યો છે. શનિવારે દિલ્હીના સર્રાફા બજારમાં સોના અને ચાંદીના ભાવમાં ઘટાડો નોંધાયો હતો.દિલ્હી સર્રાફા બજારમાં સોનાનો ભાવ 180 રૂપિયા ઘટીને 32070 રૂપિયા પ્રતિ 10 ગ્રામ થઇ ગયો.

તો ચાંદીનો ભાવ પણ 400 રૂપિયા ઘટીને 38000 રૂપિયાના સ્તર પર પહોંચી ગયો. સોના અને ચાંદીનો ભાવમાં દિવાળી બાદ જ્વેલર્સની ઓછી માગ અને કમજોર વૈશ્વિક સંકેતોના કારણે ઘટાડો થયો છે. ડોલરમાં મજબૂતીના કારણે પણ સોનાના ભાવ ઘટ્યા છે. 


આ પહેલા દિવાળીના દિવસે મૂહર્ત ટ્રેડિંગમાં સોનાનો ભાવ 120 રૂપિયા ઘટ્યો હતો. તેના એક દિવસ પહેલા પણ સોનામાં 80 રૂપિયા ઓછા થયા હતા. તો શુક્રવારે સોનામાં 150 રૂપિયા અને શનિવારે 180 રૂપિયા ઘટ્યા છે. આ રીતે કુલ 4 સેશનમાં 620 રૂપિયા પ્રતિ 10 ગ્રામ ઓછા થયા છે. આવી જ રીતે ચાંદીમાં 4 સેશનમાં 1540 રૂપિયાનો ઘટાડો નોંધાઈ ચૂક્યો છે. 

વૈશ્વિક સ્તર પર ન્યૂયોર્કમાં સોનું 1210.40 ડોલર પ્રતિ ઔંસ પર પહોંચી ગયુ છે. તો ચાંદી 14.25 ઔંસ પર છે. બુલિયન ટ્રેડ્સ મુજબ સોના અને ચાંદીના ભાવમાં વૈશ્વિક સંકતો કમજોર થવાના કારણે ઘટાડો નોંધાયો છે. દિલ્હીના સર્રાફા બજારમાં 99.9 % અને 99.5 % શુદ્ઘ સોનામાં 180-180 રૂપિયા ક્રમશ: 32 070 રૂપિયા અને 31920 રૂપિયા પ્રતિ 10 ગ્રામ થયો છે. તો બીજી તરફ 8 ગ્રામવાળી ગિન્ની 24 700 રૂપિયાની કિંમતે છે.