તમારા કામનું / આજે સસ્તું થયું સોના- ચાંદી, ખરીદતા પહેલા જાણો કેટલા ઘટ્યા ભાવ

• સોના વાયદો 0.17 ટકાના ઘટાડા સાથે 47, 459 રુપિયા પ્રતિ 10 ગ્રામના લેવલ પર
• ચાંદી 64, 050 રુપિયા પ્રતિ કિલોગ્રામ પર
• 12 વર્ષમાં આપ્યું સૌથી ખરાબ રિટર્ન

સોના વાયદો 0.17 ટકાના ઘટાડા સાથે 47, 459 રુપિયા પ્રતિ 10 ગ્રામના લેવલ પર

MCX પર સોમવારે સોનું સસ્તુ થયું છે. મલ્ટી કમોડિટી એક્સચેન્જ પર સોના વાયદો 0.17 ટકાના ઘટાડા સાથે 47, 459 રુપિયા પ્રતિ 10 ગ્રામના લેવલ પર ટ્રેડ કરી રહ્યું છે. ત્યારે ચાંદી 64, 050 રુપિયા પ્રતિ કિલોગ્રામ પર છે.

ગ્લોબલ માર્કેટની વાત કરીએ તો હાજર સોનું 0.2 ટકા વધીને 1, 819.71 ડોલર પ્રતિ ઓંસ પર થઈ ગયુ. જો કે પોવેલે સંકેત આપ્યા છે કે કેન્દ્રીય બેંક આ વર્ષે પોતાની સંપત્તિ ખરીદીમાં કાપ મુકવાની યોજના બનાવી રહી છે. અન્ય કિંમતી ઘાતુઓમાં ચાંદી 0.3 ટકા વધીને 24. 07 ડોલર પ્રતિ ઓંસ થઈ ગયું જ્યારે પ્લેટિનિયમ 0.7 ટકા વધીને 1, 015.08 ડોલર થઈ ગયો છે.

24 કેરેટ ગોલ્ડનો ભાવ

ગુડ્સ રિટર્ન વેબસાઈટ મુજબ આજે દેશની રાજધાનીમાં 24 કેરેટ ગોલ્ડનો ભાવ 50950 રુપિયા પ્રતિ 10 ગ્રામ છે. આ ઉપરાંત ચેન્નાઈમાં 48960 રુપિયા, મુંબઈમાં 47, 670 રુપિયા અને કોલકત્તામાં 49, 820 રુપિયા પ્રતિ 10 ગ્રામ સ્તર પર છે.

આજથી ખરીદો સસ્તું સોનું

સરકાર જનતાને સસ્તા દરો પર ગોલ્ડ ખરીદવાની તક આપી રહી છે. 30 ઓગસ્ટથી સોવરેન ગોલ્ડ બોન્ડ સ્કીમ 2021-22ની છઠ્ઠી સીરિઝનું વેચાણ શરુ થઈ રહ્યું છે. આ માટે ઈશ્યૂ પ્રાઈસ 4732 રુપિયા પ્રતિ ગ્રામ નક્કી કરવામાં આવ્યું છે. આ સ્કીમ ફક્ત 5 દિવસ માટે (30 ઓગસ્ટથી 3 સપ્ટેમ્બર, 2021 સુધી)  છે.

12 વર્ષનું આપ્યું સૌથી ખરાબ રિટર્ન

ઉલ્લેખનીય છે કે ગોલ્ડે વર્ષ 2020માં રોકાણકારોને ગત 12 વર્ષનું સૌથી ખરાબ રિટર્ન આપ્યું છે. આ દરમિયાન સોનાની કિંમતોમાં 13 ટકાનો ઘટાડો નોંધાયો છે.

આ રીતે ચેક કરો શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે. 

મિસ્ડ કોલ આરીને સોનાના ભાવ જાણો

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.