સોનાના ભાવમાં બુધવારે બજાર ખુલતા જ ભાવમાં ઘટાડો જોવા મળ્યો હતો. MCX પર સોનું સવારે 10.15 કલાકે આશરે 300 રૂપિયાના ઘટાડા સાથે 44,781 રૂપિયા પ્રતિ 10 ગ્રામ પર પહોંચી ગયું હતું. ઓગસ્ટના વાયદા માટે સોનું 305 રૂપિયાના કડાકા સાથે 44,925 રૂપિયા પ્રતિ 10 ગ્રામ પર કારોબાર કરી રહ્યું હતું. આ તરફ ચાંદીના ભાવમાં પણ MCXમાં 710 રૂપિયાનો ઘટાડો જોવા મળ્યો હતો. જેથી ચાંદીના ભાવ 42,784 પ્રતિ કિલોગ્રામ થયાં હતા.
સોનાના વાયદાના ભાવમાં ઘટાડો
આર્થિક સંકટ વધુ ઘેરાશે તો સોનાના ભાવ 50 હજાર સુધી પહોંચી શકે
કોરોના મહામારીને કારણે સમગ્ર વિશ્વના શેરબજારોમાં કડાકો જોવા મળ્યો છે. ત્યારે સુરક્ષિત રોકાણની રીતે લોકો સોના-ચાંદીમાં રોકાણ કરી રહ્યા છે. ભારતના બુલિયન માર્કેટમાં સોનાની ચમક લોકડાઉન બાદ વધી શકે છે. કારણ કે, ગત નાણાકીય વર્ષ દરમિયાન સોનું 10 ગ્રામ પર 11000નું રિટર્ન આપી ચૂક્યું છે.
સોનું 50 હજાર સુધી જઈ શકે છે
નિષ્ણાંતોના કહેવા પ્રમાણે, જ્યારે પણ આર્થિક સંકટ વધુ ગાઢ બન્યું છે ત્યારે રોકાણકારો માટે સોનું પહેલી પસંદ રહ્યું છે. જો આ વખતે પણ આવું જ થાય છે, તો ભારતમાં સોનું 10 ગ્રામ દીઠ 50,000 રૂપિયાના મનોવૈજ્ઞાનિક સ્તરને પાર કરી શકે છે.
સોનાએ આપ્યું છે સારું વળતર
આપને જણાવી દઇએ કે, પાછલા નાણાકીય વર્ષ દરમિયાન સોનામાં લગભગ 34 ટકાનો વધારો થયો છે અથવા 11000 રૂપિયાની તેજી જોવા મળી હતી. 31 માર્ચ 2019 ના રોજ સોનું 10 ગ્રામ દીઠ 31998 રૂપિયા પર બંધ થયું હતું, જ્યારે 31 માર્ચ 2020 ના રોજ સોનામાં રૂ. 43000 ની નજીક હતો. 24 ફેબ્રુઆરી 2020 ના રોજ સોનું 44,472 રૂપિયા પ્રતિ 10 ગ્રામ પર પહોંચી ગયું હતું. લોકડાઉનને કારણે બુલિયન માર્કેટ 14 એપ્રિલ સુધી બંધ છે, પરંતુ સોનાના વાયદામાં વધારો ચાલુ છે.