આજે ગ્લોબલ માર્કેટમાં કિંમતો વધવાને કારણે ભારતીય બજારમાં પણ ચાંદીની કિંમતમાં વધારો જોવા મળ્યો હતો જો કે સોમવારે MCX પર સોનું લાલ નિશાનમાં ખુલ્યું હતું.
આજે સોનાના ભાવમાં ઘટાડો જોવા મળી રહ્યો છે
સવારે ચાંદી ભાવમાં ચમક જોવા મળી હતી.
સોનાની માંગ વધશે અને કિંમતોમાં ભારે ઉછાળ આવશે.
સપ્તાહની શરૂઆત સોનાના ભાવમાં ઘટાડા સાથે જોવા મળી રહી છે. જોકે ચાંદી હાલમાં લીલા નિશાનમાં ટ્રેડ થઈ રહી છે. આજે ગ્લોબલ માર્કેટમાં કિંમતો વધવાને કારણે ભારતીય બજારમાં પણ ચાંદીની કિંમતમાં વધારો જોવા મળ્યો હતો જો કે સોમવારે MCX પર સોનું લાલ નિશાનમાં ખુલ્યું હતું.
સોનાની કિંમત
મલ્ટીકોમોડિટી એક્સચેન્જ (MCX) પર સવારે 24-કેરેટ શુદ્ધતાવાળા સોનાની કિંમત 125 રૂપિયા ઘટીને 50,400 પ્રતિ 10 ગ્રામ થઈ હતી. સોનું હાલમાં તેના અગાઉના બંધ ભાવ કરતાં 0.26 ટકાના ઘટાડા સાથે ટ્રેડ થઈ રહ્યું છે.
ચાંદીની કિંમત
આજે સવારે ચાંદી ભાવમાં ચમક જોવા મળી હતી. મલ્ટીકોમોડિટી એક્સચેન્જ (MCX) પર ચાંદીની કિંમત રૂપિયાથી 385 રૂપિયાથી વધીને 55,085 પ્રતિ કિલોગ્રામ થઇ હતી.
ગયા અઠવાડિયાની શરૂઆતમાં 24 કેરેટ સોનાનો ભાવ 50,770 હતો, જે શુક્રવાર સુધી વધીને 50,877 રૂપિયા પ્રતિ 10 ગ્રામ થઈ ગયો છે. તે જ સમયે 999 શુદ્ધતાની ચાંદીની કિંમત 53,363 રૂપિયાથી વધીને 54,700 રૂપિયા પ્રતિ કિલો થઈ ગઈ છે. હવે આ સપ્તાહની શરૂઆત સોનામાં ઘટાડા સાથે થઈ છે.
કમોડીટી એક્સપર્ટનું કહેવું છે કે જે રીતે ગ્લોબલ શેર બજાર તૂટી રહ્યું છે એ જોઇને લાગી રહ્યું છે કે આવનાર સમયમાં સોનામાં રોકાણકારોની સંખ્યામાં વધારો થશે. જો કે હાલ બજારમાં જો તમે રોકાણ કર્યું હોય અને તમારા પોર્ટફોલીયોમાં સોનામાં રોકાણ કરેલ છે તો તેને એમ જ રાખો, આવનાર સમયમાં ગ્લોબલ માર્કેટ સાથે ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે.