MCX એટલે કે મલ્ટી કોમોડિટી એક્સચેન્જ પર આજે સોના ચાંદીના ભાવમાં વધારો જોવા મળ્યો છે.
સોનાનો આજનો ભાવ
ચાંદીનો આજનો ભાવ
કેટલા વધ્યા ભાવ?
આજે સવારે 0.40 ટકાની તેજી સાથે 45530 રૂપિયા પ્રતિ 10 ગ્રામ સોનાનો ભાવ અને 0.68 ટકાની તેજી સાથે ચાંદી 65003 પ્રતિ કિલો પર આવી ગઇ છે.
સોનાનો આજનો ભાવ
દિલ્હી સર્રાફા બજારમાં સોનાનો ભાવ વધી ગયો છે આજે 0.40 ટકાની તેજી સાથે 45530 રૂપિયા પ્રતિ 10 ગ્રામ સોનાનો ભાવ થઇ ગયો છે જ્યારે ઇન્ટરનેશનલ બજારમાં 0.3 ટકા વધીને 1733.31 ડોલર પ્રતિ ઔંસ રહ્યું હતુ.
ચાંદીનો આજનો ભાવ
મલ્ટી કોમોડિટી એક્સચેન્જ પર આજે ચાંદીની કિંમતમાં પણ વધારો જોવા મળ્યો છે. 0.68 ટકાની તેજી સાથે ચાંદી 65003 પ્રતિ કિલો પર આવી ગઇ છે.
24 કેરેટ સોનાનો સોમવારનો ભાવ
આજે દેશની રાજધાની દિલ્હીમાં 24 કેરેટ સોનાનો ભાવ 48460 રૂપિયા છે. તે સિવાય 46680 રૂપિયા મુંબઇમાં, ચેન્નઇમાં 44920 અને કોલકાતામાં 47480 રૂપિયાના લેવલ પર છે.
13000 સુધી ઘટ્યા ભાવ
સોનાની કિંમતમાં 7 ઓગસ્ટ 2020ના ભાવથી 26 માર્ચ 2021 સુધીમાં 12,927 રૂપિયાના ઘટાડા સાથે 44,081 રૂપિયા પ્રતિ 10 ગ્રામ પર પહોંચ્યા હતા, તો ચાંદીમાં 7 ઓગસ્ટ 2020ના દિવસે ભાવ 77,840 થયાં હતા. જેમાં ગત શુક્રવારે 13,564 રૂપિયા ઘટીને 64,276 રૂપિયા પર પહોંચ્યા હતા.
કેમ ઘટ્યા સોના-ચાંદીના ભાવ?
નિષ્ણાંતોના મતે જેમ-જેમ દુનિયાભરમાં કોરોના વેક્સિનેશન અભિયાને ગતિ પકડી છે, એવી જ રીતે લોકો પણ અન્ય સ્થળે રોકાણ કરવાનું વિચારી રહ્યા છે. જેના કારણે સોનાના ભાવમાં આ ઘટાડો નોંધાયો છે. આ ઘટાડાની સ્થિતિ લાંબા સમય સુધી આ પ્રકારે જ જોવા મળશે.
લાંબા સમયના રોકાણથી થશે ફાયદો
રોકાણકારોનો એક મોટો વર્ગ પણ છે, જેઓ જાણવા માંગે છે કે હાલના ભાવે સોનામાં રોકાણ કરવું સલામત રહેશે કે કેમ. શું તેઓ આ તકનો લાભ લઈ શકે છે અને લાંબા ગાળા માટે રોકાણ કરીને મજબૂત નફો મેળવી શકે છે. આના પર નિષ્ણાતો કહે છે કે, ડોલરના ભાવમાં હાલ સ્થિરતા જોવા મળી રહી છે. ત્યારે ડોલરના ભાવ જ્યારે ઘટશે ત્યારે સોનાના ભાવમાં પણ હજી ઘટાડો નોંધાશે. માટે લાંબા ગાળા સુધી રોકાણ કરનારને ફાયદો થશે.