કોમોડિટી / સોનાના ભાવમાં સામાન્ય વધારો! જલ્દી ખરીદી લેજો નહીતર 50 હજારને પાર થઇ જશે કિંમત 

• સોનાના ભાવમાં સામાન્ય વધારો 
• ચાંદીના ભાવમાં 1400 રૂપિયાનો વધારો 
• 13000 સુધી ઘટ્યા હતા ભાવ 

10 ગ્રામ સોનાની કિંમતમાં 10 રૂપિયાનો વધારો થયો છે. જ્યારે ચાંદીના ભાવમાં જબરજસ્ત તેજી જોવા મળી છે અને 1400 રૂપિયા પ્રતિ કિલો ભાવ વધ્યો છે. 1 કિલો ચાંદીનો ભાવ 65 હજાર રૂપિયા છે. 

સોનાનો આજનો ભાવ 
શુક્રવારે 22 કેરેટ ગોલ્ડનો ભાવ 43380 છે જ્યારે 24 કેરેટ ગોલ્ડનો ભાવ 44380 રૂપિયા પ્રતિ 10 ગ્રામ પહોંચી ગયો છે. 

ચાંદીનો નવો ભાવ 
ચાંદીની નવી કિંમતમાં શુક્રવારે વધારો થયો છે. આજે ચાંદીમાં 1400 રૂપિયાનો વધારો થયો અને 65000 રૂપિયાએ ભાવ પહોંચી ગયો છે. 

13000 સુધી ઘટ્યા ભાવ 

સોનાની કિંમતમાં 7 ઓગસ્ટ 2020ના ભાવથી 26 માર્ચ 2021 સુધીમાં 12,927 રૂપિયાના ઘટાડા સાથે 44,081 રૂપિયા પ્રતિ 10 ગ્રામ પર પહોંચ્યા હતા, તો ચાંદીમાં 7 ઓગસ્ટ 2020ના દિવસે ભાવ 77,840 થયાં હતા. જેમાં ગત શુક્રવારે 13,564 રૂપિયા ઘટીને 64,276 રૂપિયા પર પહોંચ્યા.

કેમ ઘટ્યા સોના-ચાંદીના ભાવ? 

નિષ્ણાંતોના મતે જેમ-જેમ દુનિયાભરમાં કોરોના વેક્સિનેશન અભિયાને ગતિ પકડી છે, એવી જ રીતે લોકો પણ અન્ય સ્થળે રોકાણ કરવાનું વિચારી રહ્યા છે. જેના કારણે સોનાના ભાવમાં આ ઘટાડો નોંધાયો છે. આ ઘટાડાની સ્થિતિ લાંબા સમય સુધી આ પ્રકારે જ જોવા મળશે. 

લાંબા સમયના રોકાણથી થશે ફાયદો 

રોકાણકારોનો એક મોટો વર્ગ પણ છે, જેઓ જાણવા માંગે છે કે હાલના ભાવે સોનામાં રોકાણ કરવું સલામત રહેશે કે કેમ. શું તેઓ આ તકનો લાભ લઈ શકે છે અને લાંબા ગાળા માટે રોકાણ કરીને મજબૂત નફો મેળવી શકે છે. આના પર નિષ્ણાતો કહે છે કે, ડોલરના ભાવમાં હાલ સ્થિરતા જોવા મળી રહી છે. ત્યારે ડોલરના ભાવ જ્યારે ઘટશે ત્યારે સોનાના ભાવમાં પણ હજી ઘટાડો નોંધાશે. માટે લાંબા ગાળા સુધી રોકાણ કરનારને ફાયદો થશે.