કોમોડિટી / શાનદાર તક! 11 મહિનામાં આજે સૌથી સસ્તુ થયુ સોનુ, જાણો લેટેસ્ટ ભાવ

• સોના ચાંદીના ભાવમાં ઘટાડો
• સોનુ ખરીદવાની ઉત્તમ તક 
• 13000 રૂપિયા સસ્તુ થયુ સોનુ

MCX પર આજે સોનુ 0.4% ઘટીને 44,538 પ્રતિ 10 ગ્રામ પહોંચી ગયો છે, જ્યારે ચાંદી 0.3% ઘટીને 63,985 રૂપિયા થઇ ગઇ છે. ભારતમાં સોનાની કિંમક આ વર્ષની શરૂઆતથી લઇને અત્યાર સુધી 5000 રૂપિયા નીચે આવી ગઇ છે. જો તમે સોનુ ખરીદવા માંગો છો તો આ સારી તક છે. કારણકે આ સમયે ગોલ્ડ છેલ્લા 11 મહિનામાં સૌથી સસ્તુ થઇ ગયુ છે. 

ઓગસ્ટ 2020માં સોનાનો ભાવ 57000 રૂપિયા થઇ ગયો હતો જે સૌથી વધારે ભાવ હતો. ત્યારથી અત્યાર સુધી 12000 રૂપિયા સોનાનો ભાવ ઘટી ચૂક્યો છે. તેવામાં આ સમયે સોનુ ખરીદવાની સારી તક છે. 

સોનાના નવા ભાવ 
દિલ્હી સર્રાફા બજારમાં શુક્રવારે ગોલ્ડના ભાવમાં 0.4%નો ઘટાડો આવ્યો છે. રાજધાની દિલ્હીમાં સોનાનો નવો ભાવ 44,538 રૂપિયા પ્રતિ 10 ગ્રામ થઇ ગઇ છે. તો આંતરરાષ્ટ્રીય બજારમાં સોનુ 0.4% ઘટીને 1704 ડૉલર પ્રતિ ઔંસ પર આવી ગયુ છે. 

ચાંદીની નવી કિંમત 
ચાંદીની નવી કિંમતોમાં પણ આજે ઘટાડો નોંધાયો છે. દિલ્હી સર્રાફા બજારમાં હવે આ કિમતી ધાતુની કિંમત 0.3% ઘટીને 69, 985 રૂપિયા પ્રતિ કિલો થઈ ગઇ છે. 

13000 સુધી ઘટ્યા ભાવ 

સોનાની કિંમતમાં 7 ઓગસ્ટ 2020ના ભાવથી 26 માર્ચ 2021 સુધીમાં 12,927 રૂપિયાના ઘટાડા સાથે 44,081 રૂપિયા પ્રતિ 10 ગ્રામ પર પહોંચ્યા હતા, તો ચાંદીમાં 7 ઓગસ્ટ 2020ના દિવસે ભાવ 77,840 થયાં હતા. જેમાં ગત શુક્રવારે 13,564 રૂપિયા ઘટીને 64,276 રૂપિયા પર પહોંચ્યા. 

કેમ ઘટ્યા સોના-ચાંદીના ભાવ? 

નિષ્ણાંતોના મતે જેમ-જેમ દુનિયાભરમાં કોરોના વેક્સિનેશન અભિયાને ગતિ પકડી છે, એવી જ રીતે લોકો પણ અન્ય સ્થળે રોકાણ કરવાનું વિચારી રહ્યા છે. જેના કારણે સોનાના ભાવમાં આ ઘટાડો નોંધાયો છે. આ ઘટાડાની સ્થિતિ લાંબા સમય સુધી આ પ્રકારે જ જોવા મળશે. 

લાંબા સમયના રોકાણથી થશે ફાયદો 

રોકાણકારોનો એક મોટો વર્ગ પણ છે, જેઓ જાણવા માંગે છે કે હાલના ભાવે સોનામાં રોકાણ કરવું સલામત રહેશે કે કેમ. શું તેઓ આ તકનો લાભ લઈ શકે છે અને લાંબા ગાળા માટે રોકાણ કરીને મજબૂત નફો મેળવી શકે છે. આના પર નિષ્ણાતો કહે છે કે, ડોલરના ભાવમાં હાલ સ્થિરતા જોવા મળી રહી છે. ત્યારે ડોલરના ભાવ જ્યારે ઘટશે ત્યારે સોનાના ભાવમાં પણ હજી ઘટાડો નોંધાશે. માટે લાંબા ગાળા સુધી રોકાણ કરનારને ફાયદો થશે.