કોમોડિટી / શ્રાવણના પહેલા સોમવારે સોનું થયુ સસ્તું, ચાંદીના ભાવમાં પણ જોરદાર ઘટાડો, જાણો આજનો લેટેસ્ટ રેટ 

• સોનાના ભાવમાં નોંધાયો ઘટાડો 
• ચાંદીના ભાવ પણ ગગડ્યા 
• 600 રૂપિયા સસ્તુ થયુ સોનું

સોના ચાંદીના ઘરેણા ભારતમાં ખુબ લોકપ્રિય છે. લગ્નથી લઇને ભેટ સુધી લોકો સોના ચાંદીના ઘરેણા પસંદ કરે છે ત્યારે આવો જાણીએ આજે સોના ચાંદીના ભાવમાં શું ઘટાડો થયો છે. 

આજનો સોનાનો ભાવ 
આજે ગોલ્ડ 600 રૂપિયા ઘટીને 46,029 રૂપિયા પ્રતિ 10 ગ્રામ થઇ ગયુ છે. 

ચાંદીનો આજનો ભાવ 
ચાંદીની કિંમતોમાં પણ સતત ઘટાડો થઇ રહ્યો છે. 1400 રૂપિયા ઘટીને ચાંદીનો આજનો ભાવ 63,989 રૂપિયા પ્રતિ કિલો થઇ ગઇ છે. 

ગ્લોબલ માર્કેટની જો વાત કરવામાં આવે તો આજે 4.4 % સુધી ઘટાડો થયો છે અને 1722.06 પ્રતિ ઔંસ થઇ ગયુ છે. તે સિવાય ચાંદી પણ 2.6% ઘટીને 23.70 ડૉલર પર આવી ગઇ છે. 

મિસ કોલ કરીને જાણો સોનાના ભાવ 
તમને જણાવી દઇએ કે તમે સોનાના ભાવ આસાનીથી ઘરે બેઠા જાણી શકો છો. તેના માટે તમારે  8955664433 નંબર પર મિસકોલ કરવાનો રહેશે. ફોન પર મસેજ આવી જશે અને તેમાં તમે લેટેસ્ટ રેટ ચેક કરી શકશો. 

કોરોના વાયરસના વિરોધમાં વેક્સિનેશનની રફ્તાર વધવાની સાથે દુનિયામાં સોનાની કિંમતોમાં ઉતાર ચઢાવ ચાલી રહ્યા છે. આ સમયે 25 કરોડ ડોલકના ક્વાડરિગા ઈન્ગ્નિયો ફંડને સંભાળીને રાખવા માટે ડિએગો પૈરિલાનું કહેવું છે કે સોનાની કિંમતો આવનારા 3-5 વર્ષમાં બમણી થશે. સોનાની કિંમતો આંતરરાષ્ટ્રીય બજારમાં 3000-5000 ડોલર પ્રતિ ઓંસ થઈ શકે છે. આ સાથે ફંડ મેનેજરનું કહેવું છે કે અનેક દેશમાં અપાઈ રહેલા રાહત પેકેડના કારણે કેન્દ્રીય બેંકને થનારી મુશ્કેલીઓની રોકાણકારોને જાણકારી નથી. આ કારણે સોનાની કિમતો સતત વધી રહી છે.  

કેન્દ્રીય બેંક માટે સામાન્ય સ્થિતિમાં આવવું મુશ્કેલ

કેન્દ્રીય બેંકને માટે સામાન્ય સ્થિતિમાં પરત આવવું મુશ્કેલ રહેશે. ફંડ મેનેજરનું કહેવું છે કે ખરાબ મોનિટરી અને ફિસ્કલ પોલીસીના કારણે લાંબા સમયમાં થતા નુકસાનને લઈને રોકાણકારોમાં વધારે જાગરુકતા નથી. તેઓએ એમ પણ કહ્યું કે વ્યાજદરને જાણી જોઈને ઓછા રાખવાથી એસેટ બબલ બને છે જેનું ફૂટવું મુશ્કેલ છે. ડિએગોનું કહેવું છે કે ગોલ્ડમાં ઝડપથી કિંમતનો વધારા માટે આ કારણ છે. મહામારીના કારણે 2020માં દુનિયામાં ભારે નુકસાનની વચ્ચે  સોનું 2,075.47 ડોલર પ્રતિ ઔંસના સર્વોચ્ચ સ્તરે રહ્યું, થોડા અઠવાડિયા પહેલા તે 1800 ડોલર પ્રતિ ઓંસની આસપાસ ચાલી રહ્યું હતું.  

90000 રૂપિયા પ્રતિ 10 ગ્રામના સ્તરને પાર કરી શકે છે સોનું

અમેરિકામાં ફેડરલ રિઝર્વના પોલિસીને કડક કરવાના સંકેત આપ્યા બાદ જૂન 2021માં સોનાની કિંમતોમાં ઘટાડો આવ્યો હતો. ડિએગોનું માનવું છે કે કેન્દ્રીય બેંકોની સ્થિતિ પર આવું નિયંત્રણ નથી જેવું લોકો વિચારી રહ્યા છે. 2016માં ગોલ્ડના 5 વર્ષણાં નવા ઉંચા સ્તરે પહોંચવાનું અનુમાન કરાયું હતું. ડિએગો ગોલ્ડમેન સૈક્સ અને બેંક ઓફ અમેરિકા  મેરિલ લિંચની સાથે કામ કરી ચૂક્યું છે. ફંડ મેનેજરને કિંમતી ધાતુના કારોબારમાં 25 વર્ષથી વધારેનો અનુભવ છે. આવનારા 5 વર્ષમાં સોનાની કિંતો 90000 રૂપિયા પ્રતિ 10 ગ્રામને પાર કરી શકે છે તેવું તેમનું અનુમાન છે.