ભારતમાં રોજ સોના અને ચાંદીના ભાવમાં વધારો અને ઘટાડો થતો રહે છે પરંતુ છેલ્લા થોડા દિવસથી સોનાના ભાવમાં ઘટાડો નોંધાઇ રહ્યો છે.
લગ્ન સિઝન પહેલા સોનાના ભાવમાં ઘટાડો
સતત 4 દિવસથી ઘટી રહ્યાં છે ભાવ
ચાંદીના ભાવમાં પણ થયો ઘટાડો
સતત 4 દિવસથી સોનાના ભાવમાં ઘટાડો નોંધાઇ રહ્યો છે અને જોવામાં આવે તો સોનુ રેકોર્ડ સ્તરથી 8000 રૂપિયા સસ્તુ થયુ છે. ગયા વર્ષે ઓગસ્ટમાં 56000 સુધી ભાવ પહોંચી ગયો હતો અને હવે સોનાના ભાવ ગગડ્યા છે.
આજે સોનાના ભાવમાં ઘટાડો થયો છે અને તેની સાથે જ 22 કેરેટ સોનાનો ભાવ 47950 અને 24 કેરેટ સોનાનો ભાવ 48950 રૂપિયા પ્રતિ 10 ગ્રામ નોંધાયો છે.
સોનાનો આજનો 24 કેરેટનો ભાવ
દિલ્હીમાં 24 કેરેટ સોનાનો ભાવ 50890 રૂપિયા પ્રતિ 10 ગ્રામ છે તો મુંબઇમાં 48950 રૂપિયા નોંધાયો છે. ચેન્નઇમાં 50350 અને કોલકાતામાં 50440 રૂપિયા નોંધાયો છે.
ચાંદીનો આજનો ભાવ
ચાંદીના ભાવમાં પણ ઘટાડો નોંધાયો છે ત્યારે દિલ્હીમાં 71600, મુંબઇમાં 71600, ચેન્નઇમાં 76300 અને કોલકાતામાં 71600 રૂપિયા પ્રતિ એક કિલો છે.
ઉચ્ચતમ મૂલ્યથી 8000 રૂપિયા સસ્તુ થયું સોનું
માર્કેટમાં પાછલા બે દિવસોમાં સોનાની કિંમતમાં 1000 રૂપિયાનો ઘટાડો થયો છે તો ત્યાં જ ચાંદીની કિંમતમાં પણ સતત ઘટાડાની સ્થિતિ જોવા મળી રહી છે. પાછલા બે દિવસોમાં ચાંદીના ભાવમાં લગભગ 2000 રૂપિયાનો ઘટાડો જોવા મળ્યો છે. ત્યાં જ જો સોનાના આ ભાવની તુલના કરીએ તો સોનાનું પોતાના ઉચ્ચતમ ભાવથી લગભગ 8000 રૂપિયા નીચે જતુ રહ્યું છે. તમને જણાવી દઈએ કે 7 ઓગસ્ટ 2020માં સોનાની કિંમત 56200 રૂપિયા પ્રતિ 10 ગ્રામના ભાવને પાર કરી ગઈ હતી.
500થી 1000 રૂપિયાનું અંતર થઈ શકે છે
ઈન્ડિયા બુલિયન એન્ડ જ્વેલર્સ એસોસિએશન દ્વારા જાહેર આ રેટ અને તમારા શહેરના ભાવમાં 500થી 1000 રૂપિયાનું અંતર થઈ શકે છે. એસોસિએશન ઘણા બુલિયન માર્કેટના હાલના રેટના સરેરાશ મુલ્યને જણાવે છે. જણાવી દઈએ કે જો તમે સોનાની શુદ્ધતા ચેક કરવા માંગો છો તો તેના માટે સરકારની તરફથી એક એપ બનાવવામાં આવી છે. 'BIS Care app' જેના દ્વારા ગ્રાહક સોનાની શુદ્ધતાની તપાસ કરી શકે છે.