નાણાં પ્રધાન નિર્મલા સીતારમણે ગઈકાલે સંસદમાં નવુ બજેટ રજૂ કર્યુ. બજેટના એક દિવસ બાદ સોનાના ભાવમાં ઘટાડો નોંધાયો છે. આ સાથે ચાંદીના ભાવમાં પણ થોડો ઘટાડો થયો છે.
બજેટના એક દિવસ બાદ સોનાના ભાવમાં નોંધાયો ઘટાડો
ચાંદીના ભાવમાં પણ નોંધાયો ઘટાડો
સોનાના ભાવમાં 0.25 ટકાનો થયો ઘટાડો
સોના-ચાંદીનો ભાવ
જો તમે પણ સોનુ-ચાંદી ખરીદવાનું મન બનાવી રહ્યાં છો આ તમારા માટે શ્રેષ્ઠ તક છે. મલ્ટી કોમોડિટી એક્સચેન્જ પર એપ્રિલ ડિલીવરીવાળા સોનાના ભાવમાં 0.25 ટકાનો ઘટાડો થયો છે. ચાંદી પણ 0.01 ટકાના ઘટાડા સાથે વેપાર કરી રહી છે. મોટા ઘટાડાની સાથે એપ્રિલ ડિલીવરીવાળા સોનાની કિંમત આજે 0.25 ટકાના ઘટાડાની સાથે 47,792 રૂપિયા 10 ગ્રામ દીઠ વ્યાપાર કરી રહી છે. તો ચાંદી 0.01 ટકાથી નીચે ઉતરી 61,351 રૂપિયા પ્રતિ કિલોએ સ્થિર છે.
રેકોર્ડ હાઈથી 8400 રૂપિયા સસ્તુ સોનુ
સોનુ પોતાના રેકોર્ડથી 8400 રૂપિયા સસ્તુ છે. વર્ષ 2020માં અત્યારે MCX પર 10 ગ્રામ સોનાનો ભાવ 56,200 રૂપિયાના ઉચ્ચ સ્તરે છે. પરંતુ આજે સોનુ ડિસેમ્બર વાયદા MCX પર 47,792 રૂપિયા 10 ગ્રામના સ્તરે સ્થિર છે. એટલેકે હજી પણ લગભગ 8400 રૂપિયા સસ્તુ મળી રહ્યું છે.
આ રીતે જાણો સોના-ચાંદીના ભાવ
જો તમે સોનુ અથવા ચાંદી ખરીદવાનું મન બનાવી રહ્યાં છો તો જરૂરી છે કે તમે એક વખત ભાવ આવશ્ય ચેક કરી લો. ભાવની જાણકારી મેળવવા માટે તમારે ક્યાય જવાની જરૂર નથી. તમે ઘર બેઠા સરળતાથી જાણકારી મેળવી શકો છો. જેના માટે તમારે મોબાઈલ નંબર 8955664433 પર મિસ્ડ કોલ કરવો પડશે. ત્યારબાદ તમને મોબાઈલ ફોન પર મેસેજ આવી જશે. જેમાં તમે લેટેસ્ટ રેટ ચેક કરી શકો છો.