તમારા કામનું / ખુશખબર : આજે ચાંદીની કિંમતમાં ભારે ઘટાડો, સોનું પણ થયુ સસ્તું, જાણો કેટલો થયો ભાવ

• MCX પર સોનું ફેબ્રુઆરી વાયદા 0.46 ટકા ઘટ્યું 
• સોનાનું 48080 રુપિયા પ્રતિ 10 ગ્રામ પર ટ્રેડ કરી રહ્યું છે
• ચાંદી 1.20 ટકા ઘટાડા સાથે 60,000 રુપિયા પર આવી

MCX પર સોનું ફેબ્રુઆરી વાયદા 0.46 ટકા ઘટ્યું 

આજે મલ્ટી કોમોડિટી એક્સચેન્જ (MCX) પર સોનું ફેબ્રુઆરી વાયદા 0.46 ટકા ઘટ્યું છે. આ ઘટાડા બાદ સોનાનું 48080 રુપિયા પ્રતિ 10 ગ્રામ પર ટ્રેડ કરી રહ્યું છે. ત્યારે ચાંદીની કિંમતોમાં આજે મોટો ઘટાડો નજરે પડી રહ્યો છે. આજે ચાંદી 1.20 ટકા ઘટાડા સાથે 60,000 રુપિયા પર આવી ગઈ છે.

રેકોર્ડ કિંમતથી લગભગ 8500 રુપિયા સસ્તું

ગત વર્ષ ઓગસ્ટના મહિનામાં સોનાના ભાવ પોતાના ઓલ ટાઈમ હાઈ  રેટ પર પહોચી ગયુ હતુ. ઓગસ્ટ 2020માં સોનાના ભાવમાં 55, 400 રુપિયા પ્રતિ 10 ગ્રામ હતુ. જો આપણે આજે સોનાના ઓલ ટાઈમ હાઈ રેટની સરખામણી કરીએ તો સોનું પોતાનાા રેકોર્ડ સ્તરથી લગભગ 8500 રુપિયા સસ્તું છે.

મિસ કોલ કરી આ રીતે  જાણો સોનાના ભાવ

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.

આ રીતે ચેક કરો સોનાની શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.