ભારતીય બજારોમાં સોનાની કિંમતમાં ઘટાડો નોંધાયો છે. નવરાત્રિના પહેલા જ દિવસે ગોલ્ડના ભાવ ઘટ્યા છે.
સોનાના ભાવમાં થયો ઘટાડો
ચાંદીના ભાવમાં પણ ધરખમ ઘટાડો
એક્સપર્ટના મત પ્રમાણે ખરીદો સોનુ
દિલ્હીના સર્રાફા બજારમાં 13 એપ્રિલના ભાવ 46000 રૂપિયા પ્રતિ 10 ગ્રામ જ્યારે ચાંદીનાભાવમાં પણ ઠીકઠાક ઘટાડો જોવા મળ્યો હતો. દિલ્હી સર્રાફા બજારમાં સોનાનો ભાવ 46223 રૂપિયા પ્રતિ 10 ગ્રામ થયો છે. જ્યારે ચાંદી 66345 પ્રતિ એેક કિલો થયો છે.
સોનાનો નવો ભાવ
દિલ્હી સર્રાફા બજારમાં મંગળવારે સોનાના ભાવમાં 130 રૂપિયાનો ઘટાડો નોંધાયો હતો. 99.9 ટકા શુદ્ધ સોનાનો ભાવ 46093 પ્રતિ 10 ગ્રામ પહોંચી ગયો છે. જ્યારે ઇન્ટરનેશનલ બજારમાં સોનાનો ભાવ 1726 ડૉલર પ્રતિ ઔંસ પર પહોંચી ગયો છે.
ચાંદીના નવા ભાવ
ચાંદીની કિંમતમાં આજે ઘટાડો નોંધાયો હતો. દિલ્હી સર્રાફા બજારમાં મંગળવારે ચાંદીના ભાવમાં 305 રૂપિયાનો ઘટાડો થયો હતો અને ચાંદીનો ભાવ 66345 રૂપિયા પર પહોંચી ગયો હતો.
એક્સપર્ટ્સનો મત
એક્સપર્ટ્સનું માનવું છે કે જો તમે સોનુ કે ચાંદી ખરીદવા માંગો છો તો આ યોગ્ય સમય સારો હોઈ શકે છે. સોનાની કિંમત 46,000 રૂપિયા પ્રતિ 10 ગ્રામની પણ નીચે છે. MCX પર સોનાનો ભાવ મે 2020ના લેવલ પર આવી ગયો છે. બીજી તરફ એમસીએક્સ પર ચાંદી 68500-68000ના સ્તર પર રહેવાની શક્યતા છે. એક્સપર્ટ્સનું માનીએ તો ચાંદીમાં ઉછાળો આવવાની શક્યતા છે, જેનાથી તે 70 હજારના સ્તર સુધી જઈ શકે છે.
આ રીતે ચેક કરો સોનાની શુદ્ધતા
ઉલ્લેખનીય છે કે જો તમે સોનાની શુદ્ધતા ચેક કરવા ઈચ્છો છો તો સરકારએ એક એપ બનાવી છે. 'BIS Care app' થી ગ્રાહકો સોનાની શુદ્ધતાની તપાસ કરી શકે છે. અહીં ફક્ત શુદ્ધતાની જ ખરાઈ નહીં પણ આની સાથે જોડાયેલી કોઈ પણ ફરિયાદ અહીં કરી શકાય છે. આ એપમાં જો સામાનના લાઈસેન્સ, રજિસ્ટ્રેશન અને હોલમાર્ક નંબર ખોટો જોવા મળે છે તો ગ્રાહક તેની ફરિયાદ તાત્કાલીક કરી શકે છે. આ એપના માધ્યમથી તાત્કાલીક ગ્રાહકોની ફરિયાદ દાખલ થયાની જાણકારી પણ મળી જશે.