ગયા શુક્રવારે સોનાની કિંમતોએ ઓગષ્ટ 2020નો 28 મહિનાં જૂનો રેકોર્ડને તોડી દઈ નવું ઉંચું લેવલ મેળવ્યું હતું. ત્યાં જ સ્થાનિક બજારમાં સોનાના ભાવમાં એકદમ વધારો નોંધાયો છે.
ગયા શુક્રવારે સોનાની કિંમતોએ 28 મહિનાં જૂનો રેકોર્ડ તોડ્યો
સ્થાનિક બજારમાં સોનાના ભાવમાં એકદમ વધારો નોંધાયો
ભારતીય બુલિયન જ્વેલર્સ મુજબ સોનું 56810 રૂપિયા પ્રતિ દસ ગ્રામ પર પહોચ્યું
સોનાની કિંમતોમાં આગ લાગી હોય તેમ રોજ નવો રેકોર્ડ બનાવી રહ્યું છે. ગયા વર્ષે ઓક્ટોમ્બરમાં દીવાળી અને ધનતેરસના સમય દરમ્યાન તેનાં વેચાણમાં વધારો નોંધાયો હતો. જેના લીધે સોના-ચાંદીના વેપારીઓ નવા વર્ષમાં માંગ વધવાની આશા સાથે બેઠા છે. પરંતું જે ગતિથી સોનાની કિંમત વધી રહી છે. તે આશાઓ પર પાણી ફરી વળતું દેખાઈ રહ્યું છે. આંતરરાષ્ટ્રીય સ્તર પર સોનાની કિંમત નવેમ્બર 2022 માં 1615 ડોલરથી વધી હવે 1921 ડોલર પ્રતિ ઔસની આસપાર પહોંચી ગઈ છે. ભારતીય બુલિયન જ્વેલર્સ એસોસિયેશન મુજબ સ્થાનિક માર્કેટમાં સોનાનો નવો રેકોર્ડ 5681 રૂપિયા પ્રતિગ્રામ પર વેપાર ચાલી રહ્યો છે.
ગયા અઠવાડિયે સોનાએ તોડ્યો હતો જુનો રેકોર્ડ
ગયા અઠવાડિયે શુક્રવારે સોનાએ તેના ગયા 28 મહિનાનો રેકોર્ડ઼ તોડતા 56245 રૂપિયા પ્રતિગ્રામ 10 ગ્રામની નવી ઉંચાઈ પર પહોચ્યું હતું. ત્યારે ઓગષ્ટ 2020 પછી તે નવી સપાટી પર પહોચ્યો હતો. તેમને જણાવી દઈએ કે આ પહેલા સોનાનો ભાવ 8 ઓગષ્ટ 2020 નાં રોજ 56191 રૂપિયા પ્રતિ 10 ગ્રામ પર પહોચ્યો હતો. ત્યાં જ અઠવાડિયાના પહેલો દિવસ સોમવારે સોનું એક નવો હાઈ રેકોર્ડ પર પહોંચી ગયું હતું અને ભારતીય બુલિયન જ્વેલર્સ મુજબ સોનું 56810 રૂપિયા પ્રતિ દસ ગ્રામ પર પહોચ્યું હતું.
સ્થાનિક માર્કેટમાં કિંમતમાં નોંધપાત્ર વધારો
સ્થાનિક માર્કેટની વાત કરીએ તો ઈન્ડિયન બુલિયન જ્વેલર્સ એસોસિએશન (IBJA)ની વેબસાઈટ અનુસાર, સોમવારે બપોરે 2.30 વાગ્યા સુધી GST હટાવ્યા બાદ ફાઈન સોનું (999) રૂ. 56,681 પર ટ્રેડ થઈ રહ્યું હતું. આ સિવાય 22 કેરેટ સોનાનો ભાવ 55,450 રૂપિયા પ્રતિ 10 ગ્રામ અને 20 કેરેટ સોનાનો ભાવ 50,560 રૂપિયા પ્રતિ 10 ગ્રામ હતો.
નોંધપાત્ર રીતે, જ્વેલરી બનાવવા માટે મોટે ભાગે માત્ર 22 કેરેટનો ઉપયોગ થાય છે. કેટલાક લોકો 18 કેરેટ સોનું પણ વાપરે છે. જ્વેલરી પર કેરેટ પ્રમાણે હોલ માર્ક બનાવવામાં આવે છે. 24 કેરેટ સોનાના દાગીના પર 999 લખેલું છે, જ્યારે 23 કેરેટ પર 958, 22 કેરેટ પર 916, 21 કેરેટ પર 875 અને 18 કેરેટ પર 750 લખેલું છે.
વિદેશી બજારોમાં સોનાના ભાવમાં જોરદાર વધારો
કોમોડિટી માર્કેટ પર નજીકથી નજર રાખનારા નિષ્ણાતોના મતે યુએસ ફુગાવાના નીચા આંકડાની અસર સોનાના ભાવ પર જોવા મળી રહી છે. ડૉલર ઇન્ડેક્સમાં ઘટાડો થયો છે, જેના કારણે વિદેશી બજારોમાં સોનાના ભાવમાં જોરદાર વધારો જોવા મળી રહ્યો છે. જેના કારણે સ્થાનિક બજારોમાં પણ સોનાની કિંમત ઉંચી સપાટી પર છે.
લગ્નની સિઝન પહેલા આંચકો
સોનાના ભાવમાં આ મોટો ઉછાળો એવા સમયે આવ્યો છે જ્યારે લગ્નની સિઝન શરૂ થવા જઈ રહી છે. ફુગાવાના દરમાં ઘટાડાને કારણે, અપેક્ષા વધી છે કે હવે યુએસ ફેડરલ રિઝર્વ (યુએસ ફેડ) દ્વારા વ્યાજ દરોમાં વધારાની ગતિ પર બ્રેક લાગશે. બીજી તરફ ચાંદીના વૈશ્વિક ભાવમાં ઘટાડો નોંધાયો હતો.