બિઝનેસ / કેમ એકાએક સોનાના ભાવમાં દેખાવા લાગી તેજી? દિવાળી પહેલા આવી શકે છે કિંમતમાં ઉછાળો, જાણો વિગત

એક બાજુ તહેવારો ચાલુ થઈ ગયા છે તો બીજી તરફ સોનાના ભાવમાં આસમાને પહોંચી રહ્યા છે. છેલ્લા કેટલાક દિવસોથી સોનાના ભાવમાં સતત વધારો જોવા મળી રહ્યો છે. ખાસ કરીને દિવાળી નજીક આવતા જ સોનાના ભાવમાં વધારો થવા લાગ્યો છે. આવી સ્થિતિમાં શું દિવાળી દરમિયાન તમારા ખિસ્સાને ભારે ફટકો પડશે?

સોનાના ભાવ કેમ વધી રહ્યા છે?

સોનાના ભાવ વધવા પાછળ ડોલર અને અમેરિકન બેંકો મુખ્ય કારણ છે. ડૉલર સતત નબળો પડી રહ્યો છે. એવી અટકળો છે કે અમેરિકાની સેન્ટ્રલ બેંક એટલે કે ફેડરલ રિઝર્વ વ્યાજદરમાં ઘટાડો કરી શકે છે. આ જ કારણ છે કે સોનાની કિંમત અત્યાર સુધીની ઊંચી સપાટીએ પહોંચી ગઈ છે. ડૉલરની કિંમતમાં જબરદસ્ત ઘટાડો થયો છે. આવી સ્થિતિમાં સોનાના ભાવમાં 0.5 ટકાનો વધારો થયો હતો. અમેરિકન ગોલ્ડ ફ્યુચર્સનો ભાવ 0.2 ટકા વધીને $2,615.80 થયો છે. આવી સ્થિતિમાં ચીન, જાપાન, ઈન્ડોનેશિયા, મલેશિયા અને દક્ષિણ કોરિયામાં પણ સોનાના વેપારમાં ઘટાડો નોંધાયો છે.

ડૉલરમાં 0.2 ટકાનો ઘટાડો થયો છે. આવી સ્થિતિમાં જે લોકો ડોલરનો ઉપયોગ કરતા નથી તેમના માટે સોનું સસ્તું હોવું જોઈએ. પરંતુ ફેડરલ રિઝર્વ દ્વારા વ્યાજદરમાં વધારો કરવાના સમાચારને કારણે સોનું મોંઘુ થઈ શકે છે. જો અહેવાલોનું માનીએ તો સોનાની કિંમતમાં વધુ વધારો થઈ શકે છે. શક્ય છે કે વર્ષના અંત સુધીમાં સોનાની કિંમત $2700 સુધી પહોંચી શકે. આ સાથે ચાંદીના ભાવમાં પણ વધારો જોવા મળી શકે છે.

વધુ વાંચો : ઘરમાં આટલા ગ્રામથી વધારે સોનું હોય તો સરકારી ગાઈડલાઇન વિરુદ્ધ, જાણો કાયદો

તમામની નજર ફેડરલ રિઝર્વ પર રહેશે

આ અઠવાડિયે તમામની નજર ફેડરલ રિઝર્વ પર રહેશે. ફેડરલ રિઝર્વની નાણાકીય નીતિની બેઠક 17-18 સપ્ટેમ્બરના રોજ યોજાશે. આ બેઠકમાં વ્યાજદરમાં ઘટાડો કે વધારા અંગે ચર્ચા થઈ શકે છે. આ પછી બેન્ક ઓફ ઈંગ્લેન્ડ અને બેન્ક ઓફ જાપાન પણ મોટા નિર્ણય લઈ શકે છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ