એક વર્ષમાં સોનાના ભાવ 5686 રૂપિયા ઘટ્યા છે અને લગ્ન સીઝનમાં સોનાનો ભાવ 42000 રૂપિયાની રહે તેવું અનુમાન છે
ફીક્કી પડી સોનાની ચમક
ક વર્ષમાં 5686 રૂપિયા સસ્તુ થયું સોનુ
લગ્ન સીઝન સુધી 42000 રૂપિયા રહી શકે છે ભાવ
છેલ્લા 30 વર્ષોમાં સોનાની સૌથી ખરાબ શરૂઆત બાદ હજુ પણ સોનાની કિંમતોમાં સતત ઘટાડો જોવા મળી રહ્યો છે. ફેબ્રુઆરીમાં 3000 રૂપિયા સુધી સોનું સસ્તુ થયું છે અને સોનાની રંગત ધીરે ધીરે ઉડતી જોવા મળી રહી છે. આ મહિને અત્યાર સુધીમાં સોનું 2054 રૂપિયા પ્રતિ 10 ગ્રામ સસ્તુ થયું છે. સર્રાફા બજારમાં 26 ફેબ્રુઆરીએ 24 કેરેટ સોનાની કિંમત 46570 રૂપિયા હતી. 5 માર્ચે સોનું 44516 રૂપિયા પર બંધ થયું હતું. જો આ ઘટાડો સતત ચાલુ રહેશે તો એક મહિનામાં સોનું 42000 રૂપિયાના ભાવે આવશે. ઉલ્લેખનીય છે કે બ્લૂમબર્ગના રિપોર્ટ અનુસાર 1991માં સોનાની શરૂઆત સૌથી ખરાબ થઈ હતી અને હવે 2021માં સોનાની સોથી ખરાબ શરૂઆત રહી છે.
છેલ્લા એક અઠવાડિયામાં 1460 રૂપિયા સસ્તુ થયુ સોનુ
સોનું છેલ્લા એક અઠવાડિયામાં 1460 રૂપિયા પ્રતિ 10 ગ્રામ સસ્તુ થયું છે. 1 માર્ચે તે 45976 રૂપિયા પર બંધ થયું હતું તો 5 માર્ચ સુધીમાં 5686 રૂપિયા સુધી સસ્તુ થયું છે. જો તેના ઉચ્ચતમ રેટ સાથે તુલના કરીએ તો તે ઓલ ટાઈમ હાઈ 56254થી લગભગ 11738 રૂપિયા પ્રતિ 10 ગ્રામ સસ્તુ થયું છે.
ચાંદીની ચમકમાં પણ થયો ઘટાડો
આ વર્ષે સોનાની ચમક તો ઘટી છે પણ સાથે ચાંદીની ચમક પણ ફીક્કી પડી છે. એક અઠવાડિયામાં સર્રાફા બજારમાં ચાંદીનો હાજર ભાવ 3338 રૂપિયા પ્રતિ કિલો રહ્યો છે. આ વર્ષની વાત કરીએ તો ચાંદી 2255 રૂપિયા સસ્તુ થયું છે. ગયા વર્ષના તેના ઉચ્ચતમ ભાવની સાથે તુલના કરીએ તો ચાંદીમાં અત્યાર સુધી 10880 રૂપિયાનો ઘટાડો થયો છે. છેલ્લા વર્ષે 7 ઓગસ્ટે ચાંદી 76008 રૂપિયા કિલો હતી જ્યારે અત્યારે તે 65128 રૂપિયા પર આવી છે.
મળતી માહિતી અનુસાર ઘરેલૂ બજારમાં સોનું 42500 રૂપિયા પ્રતિ 10 ગ્રામ આવી શકે છે. આ સાથે આ 5 કારણોના કારણે પણ સોનાના ભાવમાં મોટો ઘટાડો આવી રહ્યો છે.
1. ઈમ્પોર્ટ ડ્યૂટમાં 2.5 ટકાના ઘટાડાની સાથે સીધી અસર ગોલ્ડ અને સિલ્વર માર્કેટ પર થઈ રહી છે.
2. ડોલર ઈન્ડેક્સ જ્યારે નબળો થયો ત્યારે સોનાનો ભાવ ચઢી રહ્યો હતો. હવે તે સ્ટેબલ થતો જોવા મળી રહ્યો છે. ડોલર ઈન્ડેક્સ 91 પર આવ્યો છે. તેની અસર સોનાના ભાવ પર થઈ રહી છે.
3. યૂએસમાં બાંડ યીલ્ડનું વધવું પણ એક કારણ છે. આ હવે 1.4 ટકા પર પહોંચ્યો છે. આ બાંડ યીલ્ડનું વધવું ગોલ્ડના માટે નેગેટિવ હોય છે.
4. ઈટીએફમાં નફાવસૂલી વધી રહી છે. કોરોના વાયરસના કારણે લોકોની ચિંતા ઘટી છે તેનાથી પણ સોનાના ભાવમાં ઘટાડો જોવા મળી રહ્યો છે.
5. રોકાણના આધારે સૌથી સુરક્ષિત માનવામાં આવતું સોનું લોકોને રૂપિયા થોડા જોખમવાળી જગ્યા પર લગાવવાનું છે. જેમકે બિટકોઈન અને ઈક્વિટી. આ બંનેમાં રોરકાણકારોનો રસ વધી રહ્યો છે. ગોલ્ડ અને સિલ્વરનો રેશિયો ઘટતો જોવા મળે છે.
આવનારા સમયમાં કેવી રહેશે ચાલ
ચીન, સિંગાપુર, હોંગકોંગમાં સોનાની માંગ વધી છે અને ભાવ ઘટવાથી ઘરેલૂ માર્કેટમાં ખરીદદારો વધશે. જ્યારે ચાંદી 63000 રૂપિયાથી 71000 રૂપિયાની વચ્ચે રહી શકે છે. ઓછા ભાવ હોવાના કારણે પણ લોઅર લેબલ પર ખરીદી વધી રહી છે. જો આ કારણે સોનાના રેટમાં વધારો આવ્યો તો તે 46500 રૂપિયા પ્રતિ 10 ગ્રામ જઈ શકે છે. સોનાના રેટમાં ફેબ્રુઆરીમાં સૌથી મોટો ઘટાડો જોવા મળી રહ્યો છે. સર્રાફા બજારમાં સોનાના રેટમાં 3000 રૂપિયાનો ઘટાડો જોવા મળ્યો છે તો સોનું ઉચ્ચતમ રેટથી 11000 રૂપિયાથી વધુ સસ્તુ થયું છે.