એપ્રિલ મહિનામાં લગ્નની સીઝન શરૂ થવાના સંકેત મળી રહ્યા છે ત્યારે ખરીદી માટે સોનાનો ભાવ 42500 રૂપિયા રહી શકે છે.
લગ્ન સીઝન પહેલાં ઘટશે સોનાનો ભાવ
42500 રૂપિયા સુધી પહોંચી શકે છે સોનાનો ભાવ
આ 5 કારણોના કારણે ઘટી રહ્યા છે સોનાના ભાવ
સર્રાફા બજારમાં સોનાનો ભાવ સતત ઘટી રહ્યો છે. એપ્રિલથી શરૂ થઈ રહેલી લગ્ન સીઝનને માટે આ શુભ સંકેત છે. લગ્નના ઘરમાં જેઓએ સોનું અને ચાંદી ખરીદવું છે તેમને માટે સોનેરી તક છે. રોકાણને માટે પણ આ સારો સમય છે. કેમકે સોનું તેના ઓલ ટાઈમ હાઈ 56254થી 11500 રૂપિયા પ્રતિ ગ્રામ સસ્તુ થયું છે. સર્રાફા બજારમાં છેલ્લા 6 કારોબારી દિવસમાં સોનું 1603 રૂપિયા અને ચાંદી 4099 રૂપિયા તૂટ્યું છે. ગુરુવારે 4 માર્ચે સર્રાફા બજારમાં 24 કેરેટ સોનાનો ભાવ 44843 રૂપિયા રહ્યો છે અને આવનારા દિવસોમાં તે 42500 રૂપિયા સુધી પહોંચી શકે છે.
ફેબ્રુઆરીમાં 3000 રૂપિયા ઘટ્યું સોનું
સોનાના ભાવમાં ફેબ્રુઆરીમાં મોટો ઘટાડો આવ્યો છે. સર્રાફા બજારમાં સોનાનો ભાવ 3000 રૂપિયા ઘટ્યો છે. સોનું તેના ઉપરના રેટથી 11500 રૂપિયાથી વધારે સસ્તુ થયું છે. ઈમ્પોર્ટ ડ્યૂટીમાં 2.5 ટકાનો ઘટાડાની અસર ગોલ્ડ અને સિલ્વર માર્કેટ પર થઈ રહી છે. અન્ય કારણમાં ડોલર ઈન્ડેક્સ, એ જ્યારે ઘટ્યું તો સોનાનો રેટ ચઢી રહ્યો હતો. હવે તે સ્થિર થઈ રહ્યો હતો. ડોલર ઈન્ડેક્સ 91ને પાર આવ્યો છે. તેના કારણે સોનાના ભાવ પર અસર થઈ રહી છે.
ડોલર, બિટકોઈન અને ઈક્વીટીએ કરી સોનાને અસર
ત્રીજું કારણ યૂએસમાં બાંડ યીલ્ડનું વધવું છે. આ હવે 1.4 ટકા પહોંચ્યું છે. જ્યારે બાંડ યીલ્ડનું વધવું ગોલ્ડને માટે નેગેટિવ રહે છે, કોરોના વાયરસને લઈને લોકોની ચિંતા ઘટી રહી છે. તેનાથી પણ સોનાના ભાવમાં ઘટાડો આવી રહ્યો છે. ચોથું કારણ છે ઈટીએફમાં નફાવસૂલી અને પાંચમું કારણ છે રોકાણના આધારે સૌથી વધારે સુરક્ષિત ગણાતા સોનાના બદલે લોકોએ થોડા જોખમવાળી જગ્યાએ રૂપિયા લગાવ્યા હોય. ગોલ્ડ અને સિલ્વરનો રેશિયો ઘટ્યો છે. ચીન, સિંગાપુર, હોંગકોંગમાં સોનાની માંગ વધી છે અને ભાવ ઘટવાથી ઘરેલૂ માર્કેટમાં ખરીદી વધશે. જ્યારે ચાંદી 63000થી 71000ની વચ્ચે રહી શકે છે.