ભારતીય બજારમાં આજે સોનું થોડું મોંઘું થયું છતાં પણ તેના છેલ્લા એક મહિનાના ભાવ કરતાં નીચલા સ્તરે છે. જ્યારે ચાંદીના ભાવમાં આજે થોડો વધારો જોવા મળ્યો છે.
સોનું તેના છેલ્લા એક મહિનાના ભાવ કરતાં નીચલા સ્તરે છે
સોનાની સાથે સાથે આજે ચાંદીના ભાવમાં પણ થોડો વધારો જોવા મળી રહ્યો છે
ચાંદી થોડા દિવસો પહેલા 57 હજાર પર ચાલતી હતી
સરકારે જુલાઈની શરૂઆતમાં જ સોનાની આયત કિંમત પર 5 ટકાનો વધારો કર્યો હતો એ સમયથી સોના-ચાંદીની કિંમતોમાં લગાતાર ઘટાડો અને વધારો જોવા મળી રહ્યો છે. ગોલબલ માર્કેટમાં ચાલી રહેલ ઉતાર ચઢાવની અસર ભારતીય બજારમાં પણ જોવા મળી હતી. ભારતીય બજારમાં આજે સોનું થોડું મોંઘું થયું છતાં પણ તેના છેલ્લા એક મહિનાના ભાવ કરતાં નીચલા સ્તરે છે. જ્યારે ચાંદીના ભાવમાં આજે થોડો વધારો જોવા મળ્યો છે.
મલ્ટી કોમોડિટી એક્સ્ચેન્જ પર આજે સવારે 24 કેરેટ સોનાની કિંમત આજે 39 રૂપિયા વધીને 50,359 રૂપિયા પ્રતિ 10 ગ્રામે પંહોચી છે. જો કે સોનાની કિંમત છેલ્લા એક મહિનાના ભાવ કરતાં નીચલા સ્તરે છે. આજે સવારે સોનાની કિંમત 50,275 રૂપિયા હતી પછી માંગ વધતાં સોનાની કિંમતમાં વધારો આવ્યો હતો. સોનાની કિંમતમાં ગઇકાલ કરતાં 0.80 ટકા જેટલો વધારો જોવા મળ્યો છે.
સોનાની સાથે સાથે આજે ચાંદીના ભાવમાં પણ થોડો વધારો જોવા મળી રહ્યો છે. મલ્ટી કોમોડિટી એક્સ્ચેન્જ પર આજે ચાંદીની કિંમત 90 રૂપિયા વધીને 55,817 રૂપિયાની સપાટીએ પંહોચી છે. જો કે દિવસની શરૂઆતમાં ચાંદીની કિંમત 55,849 રૂપિયા પ્રતિ કિલો હતી પણ એ પછી માંગ ઘટતા કિંમતમાં થોડો ઘટાડો જોવા મળ્યો હતો. ચાંદીની કિંમતમાં ગઇકાલ કરતાં 0.16 ટકા જેટલો વધારો જોવા મળ્યો છે. ચાંદી થોડા દિવસો પહેલા 57 હજાર પર ચાલતી હતી પણ હાલ કિંમતમાં ઘરખમ ઘટાડો આવ્યો છે.
ગ્લોબલ માર્કેટમાં આજે સોના-ચાંદી બંનેની કિંમતમાં ઘટાડો જોવા મળ્યો હતો. અમેરિકન બજારમાં સોનાની કિંમત 1,711.68 ડોલર પ્રતિ ઔંસ રહી, જે તેની પાછલી બંધ કિંમત કરતાં 0.06 ટકા વધારે હતી. આ સાથે જ ચાંદીની કિંમત પણ 18.8 ડોલર પ્રતિ ઔંસ હતી જે તેની પાછલી બંધ કિંમત કરતાં 0.17 ટકા ઉપર હતી.
અમેરિકામાં આ સમયે ઘણી મોટી આર્થિક ઘટનાઓ બની રહી છે એક તો ડોલર 20 વર્ષમાં સૌથી ઊંચી સપાટી પર પંહોચ્યો છે, જેના કારણે સોનાની કિંમતમાં દબાવ વધ્યો છે બીજી બાજુ મોંઘવારી 41 વર્ષમાં તેની ચરમસીમાએ પંહોચી છે સાથે જ ગ્લોબલ માર્કેટમાં રશિયા-યુક્રેન યુધ્ધને કારણે દબાવ બની રહ્યું છે.