રૂપિયો ગગડી રહ્યો છે તેવામાં દિલ્હીના બજારમાં ગુરુવારે સોનાના ભાવમાં 43 રૂપિયાની તેજી જોવા મળી છે. જેથી હવે ભાવ વધીને પ્રતિ દસ ગ્રામ 40,458 રૂપિયા થયો છે.
ગુરુવારે સોનાના ભાવમાં 43 રૂપિયાની તેજી
ભાવ વધીને પ્રતિ દસ ગ્રામ 40,458 રૂપિયા થયો
શેર બજારમાં સેન્સેક્સ પહેલી વખત 42000ને પાર કરી ગયો
બુધવારે સોનાનો ભાવ 40,415 રૂપિયા પ્રતિ દસ ગ્રામ પર બંધ રહ્યો હતો. ગુરુવારે ચાંદીની કિંમતમાં પણ 209 રૂપિયાનો વધારો જોવા મળ્યો હતો. ચાંદીનો ભાવ વધીને 47406 રૂપિયા પ્રતિ કિલો થયો હતો. આ પહેલાં 47197 રૂપિયા પ્રતિ કિલો પર ચાંદીનો ભાવ બંધ થયો હતો.
નિષ્ણાંતોના મતનુસાર રૂપિયામાં ઘટાડાને કારણે 24 કેરેટ સોનાની કિંમતમાં 43 રૂપિયાની તેજી આવી છે જ્યારે મકર સંક્રાંતિ બાદ બજાર ધારણામાં પણ સુધારો જોવા મળ્યો છે.
આંતરરાષ્ટ્રી બજારમાં સોના અને ચાંદીનો ભાવ 1553 ડોલર પ્રતિ ઔંસ અને ચાંદી 17.87 ડોલર પ્રતિ ઔંસ પર લગભગ અપરિવર્તિત રહ્યાં છે. અમેરિકા-ચીનની વચ્ચે ટ્રેડ કરાર પર હસ્તાક્ષર બાદ વૈશ્વિક શેરોમાં સકારાત્મક સંકેત લેતા શરૂઆતી સત્રમાં શેર બજારમાં સેન્સેક્સ પહેલી વખત 42000ને પાર કરી ગયો છે.