તમારા કામનું / લગ્ન સિઝનની ખરીદી સમયે 3 હજાર રુપિયા સસ્તું વેચાઈ રહ્યું છે સોનું, જાણો કેટલા છે આજના ભાવ

• 48, 175 રુપિયા પ્રતિ 10 ગ્રામ પર બંધ થયુ હતુ
•  ચાંદી 65,268 રુપિયા પ્રતિ કિલો 
• ચાંદી રેકોર્ડ સ્તરથી લગભગ 1 હજાર રુપિયા મોંઘુ છે

જો તમારા ઘરમાં કોઈના લગ્ન છે અને તમે સોનાની ખરીદી કરવા જઈ રહ્યા છો તો આ તમારા માટે બહું મહત્વના સમાચાર હોઈ શકે છે. જો તમારા ઘરમાં લગ્ન છે અને તમે સોનાની ખરીદી અંગે વિચાર કરી રહ્યા છો તો આ તમારા માટે સારી તક છે. સોનું પોતાના રેકોર્ડ સ્તરથી 3000 રુપિયા સસ્તું થઈ ચૂક્યું છે.

ઉલ્લેખનીય છે કે ગુરુવારે દિલ્હી સરાફા બજારમાં સોનાના ભાવમાં સામાન્ય વધારો નોંધાયો છે. ગત કારોબારી સત્ર દરમિાન દિલ્હી સરાફા બજારમાં સોનું 48, 175 રુપિયા પ્રતિ 10 ગ્રામ પર બંધ થયુ હતુ. ત્યારે ચાંદી 65,268 રુપિયા પ્રતિ કિલો પર બંધ થયું હતુ.

રેકોર્ડ સ્તરથી 3000 રુપિયા સસ્તું મળી રહ્યું છે સોનું

કાલે સોનાનો ભાવ 49 હજાર રુપિયાની આસપાર હતો.  ગત વર્ષ આ સમયે નવેમ્બરમાં સોનાનો ભાવ 52 હજારની નજીક મળી રહ્યો હતો. તેવામાં સોનાનું રેકોર્ડ સ્તરથી હાલ 3000 રુપિયા સુધી સસ્તું મળી રહ્યું છે. ચાંદી રેકોર્ડ સ્તરથી લગભગ 1 હજાર રુપિયા મોંઘુ છે.

કેવી રીતે જાણી શકતો સોનાના નવા ભાવ?

ઉલ્લેખનીય છે કે તમે આ ભાવનો સરળતાથી ઘરે બેઠા જાણી શકો છો. આ માટે તમારે ફક્ત આ નંબર 8955664433 પર મિસ્ડ કોલ કરવાનો રહેશે. તમારા ફોનમાં મેસેજ આવી જશે. જેનાથી તમને લેટેસ્ટ ભાવ ખબર પડશે.

આ રીતે ચેક કરો શુદ્ધતા

તમે સોનાની શુદ્ધતા ચેક કરવા ઈચ્છો છો તો આ માટે સરકારની તરફથી એક એપ બનાવવામાં આવી છે. 'BIS Care app' થી ગ્રાહક સોનાની શુદ્ધતા જાણી શકે છે. આ એપની મદદથી સોનાની શુદ્ધતા ચેક કરવાની સાથે તેને લઈને ફરિયાદ પણ કરી શકાય છે. આ એપમાં જો સામાનનું લાયસન્સ, રજિસ્ટ્રેશન અને હોલમાર્ક નંબર ખોટો હોય તો ગ્રાહક તેની ફરિયાદ કરી શકે છે. આ એપની મદદથી ગ્રાહકને ફરિયાદ નોંધવાની જાણકારી મળી રહે છે.