ભાવ વધારો / Goldના ભાવમાં મોટો ઉછાળો, ફરી 51 હજારે પહોંચ્યુ સોનું, અહીં ફટાફટ ચેક કરો લેટેસ્ટ રેટ

• રશિયાથી સોનાની આયાત પર પ્રતિબંધ 
• સોનાની કિંમતોમાં મોટો ઉછાળો 
• ફરી 51 હજાર પાર પહોંચ્યુ સોનું

યુએસ સહિતના જી7 દેશોએ રશિયામાંથી સોનાની આયાત પર પ્રતિબંધ લાદ્યા બાદ સોમવારે સવારે સોના અને ચાંદીના ભાવમાં મોટો ઉછાળો જોવા મળ્યો છે. સોનાના વાયદાના ભાવ ફરી એકવાર 51 હજારની નજીક પહોંચ્યા છે.

મલ્ટીકોમોડિટી એક્સચેન્જ (MCX) પર સવારે 24 કેરેટ શુદ્ધતાના વાયદાના ભાવ રૂ. 180 વધીને રૂ. 50,803 પ્રતિ 10 ગ્રામ થયા હતા. અગાઉ સોનામાં વ્યાપાર રૂ. 50,785 ના સ્તરે શરૂ થયો હતો. પરંતુ ટૂંક સમયમાં માંગમાં વધારો થવાને કારણે તેમાં છેલ્લા બંધ કરતા 0.36 ટકાનો ઉછાળો આવ્યો હતો. ગયા સપ્તાહે સોનાનો ભાવ ઘટીને બે સપ્તાહની નીચી સપાટીએ પહોંચી ગયો હતો.

ચાંદીની ચમક પણ વધી 
સોનાની જેમ ચાંદીના ભાવમાં પણ આજે વધારો જોવા મળ્યો હતો અને એમસીએક્સ પર વાયદાના ભાવ રૂ. 251 વધી રૂ. 59,755 પ્રતિ કિલો થયા હતા. અગાઉ ચાંદીમાં ટ્રેડિંગની શરૂઆત રૂ. 59,730 થી શરૂ થયો હતો અને ટૂંક સમયમાં માંગ વધવા લાગી હતી. ચાંદી તેના છેલ્લા બંધ ભાવથી 0.42 ટકાના ઉછાળા સાથે વ્યાપાર કરી રહી છે.

વૈશ્વિક બજારમાં પણ તેજી
વૈશ્વિક બજારમાં સોના અને ચાંદીના પુરવઠા પર અસરને કારણે આજે બંને કીમતી ધાતુઓના ભાવમાં ઉછાળો જોવા મળ્યો હતો. યુએસ માર્કેટમાં સોનાની હાલની કિંમત 1,835.57 ડોલર પ્રતિ ઔંસ હતી. જે છેલ્લા ક્લોઝિંગના ભાવ કરતાં 0.21 ટકા વધુ છે. 

એ જ રીતે, ચાંદીની હાજર કિંમત 21.39 ડોલર પ્રતિ ઔંસ પર પહોંચી છે, જે છેલ્લા ક્લોઝિંગ ભાવ કરતાં 1.17 ટકા વધુ છે. અન્ય કિંમતી ધાતુઓમાં પ્લેટિનમનો હાજર ભાવ 0.5 ટકા વધીને  912 ડોલર પ્રતિ ઔંસ થયો હતો જ્યારે પેલેડિયમનો ભાવ 0.6 ટકા વધીને 1,886.65  ડોલર પર પહોંચ્યો હતો.