સોનાના ભાવમાં સતત વધારો જોવા મળી રહ્યો છે. જાણો આ પાછળ ક્યા ક્યા કારણો જવાબદાર છે અને શું છે આજના લેટેસ્ટ રેટ
સોનાના ભાવમાં થયો વધારો
અમેરિકાની અર્થવ્યવસ્થા પર રોકાણકારોની રહેશે નજર
લગ્નની સિઝન શરૂ થતાં સોનાના ભાવમાં વધારો થવાની ધારણા
સોનાના ભાવમાં નોંધાયો વધારો
દેશમાં લગ્નની સીઝન શરુ થવા પર છે. આ પહેલા મલ્ટી કમોડીટી એકસચેંજ પર સોનાની કિંમત 52099 રૂપિયા પ્રતિ 10 ગ્રામનાં ઉચ્ચ સ્તર પર પહોંચી ગઈ છે. સ્પોટ ગોલ્ડ પણ 0.77 ટકાની ઝડપ સાથે 1945 ડોલર પર છે. એમસીએક્સ પર ગયા અઠવાડિયે સોનાની કિંમતોમાં લગભગ 0.90 ટકાનો વધારો જોવા મળ્યો હતો.
કમોડીટી બજારનાં વિશેષજ્ઞોનું કહેવું છે કે અમેરિકી ફેડર રીઝર્વ તરફથી વ્યાજ દરો વધવાના અનુમાનોથી હાલનાં અઠવાડિયાઓમાં સોનું કન્સોલિડેશન ઝોનમાં પહોંચી ગયું છે. જોકે રશિયા-યુક્રેન યુદ્ધનાં કારણે સોનાની કિંમતોને સમર્થન મળી રહ્યું છે. વિશેષજ્ઞોનું કહેવું છે કે લગ્નની સીઝનની શરૂઆત થવાની સાથે કીમતી ધાતુની પણ માંગણી વધશે, જેથી સોનાની કિંમતોમાં વધારો જોવા મળી શકે છે. નજીકના ભવિષ્યમાં એમસીએક્સ પર સોનાનો ભાવ 53,500 મધ્યમ ગાળામાં આ ભાવ 56,000 રૂપિયાના સ્તર પર પહોંચી શકે છે.
અમેરિકાની અર્થવ્યવસ્થા પર રહેશે નજર
રેલિગેર બ્રોકિંગ લિમિટેડના વાઇસ પ્રેસિડેન્ટ (કોમોડિટી એંડ કરન્સી રિસર્ચ) સુગંધા સચદેવા કહે છે કે સોનામાં રોકાણ કરનારાઓની નજર યુએસ અર્થતંત્ર પર છે. ફેડરલ રીઝર્વની માર્ચમાં થયેલી બેઠકથી જાણ થઈ છે કે આવતા મહિનાઓમાં વ્યાજ દરમાં તેઓ અડધા અંકનો વધારો કરી શકે છે. આ પાછળનું મુખ્ય કારણ અમેરિકામાં વધતી મોંઘવારી છે. જો કે, નાણાકીય નીતિમાં તીવ્ર કડકતા યુએસ અર્થતંત્રને સૌથી વધુ નુકસાન પહોંચાડશે. આ સાથે, તે વૈશ્વિક અર્થતંત્રને નુકસાન પહોંચાડી શકે છે.
તણાવ વધવાથી સોનાને મળશે સમર્થન
સચદેવા કહે છે કે ભૌગોલિક રાજકીય તણાવ વધવાની સંભાવના છે. અમેરિકા અને યુરોપ રશિયા સામે નવા પ્રતિબંધો લગાવવાની યોજના બનાવી રહ્યા છે. તેનાથી તણાવ વધુ વધી શકે છે. આ ઘટનાક્રમોને કારણે સોનામાં સુરક્ષિત રોકાણ તરીકે રોકાણ વધી શકે છે. તેની અસર કિંમતો પર પણ પડશે, જેના કારણે સોનાની કિંમતમાં વધુ વધારો થઈ શકે છે.
IIFL સિક્યોરિટીઝના વાઇસ પ્રેસિડેન્ટ અનુજ ગુપ્તાનું કહેવું છે કે યુએસ રિટેલ વેચાણ અને મોંઘવારીનાં ડેટા સોના માટે મહત્વપૂર્ણ સાબિત થશે. આ સિવાય ચીનમાં કોરોનાના કેસ વધી રહ્યા છે. કોરોનાનો ફેલાવો અને શાંઘાઈમાં લગાવવામાં આવેલ લોકડાઉન વૈશ્વિક અર્થતંત્ર માટે સારા સમાચાર હોઈ શકે નહીં કારણ કે ચીન વિશ્વની બીજી સૌથી મોટી અર્થવ્યવસ્થા છે. જો કે ભારતમાં લગ્નની સિઝન શરૂ થતાં સોનાના ભાવમાં વધારો થવાની ધારણા છે.