સતત ઊંચાઇનો રેકોર્ડ બનાવ્યા બાદ આ અઠવાડિયાની શરૂઆતથી સોનાની કિંમતમાં ઘટાડો જોવા મળી રહ્યો છે. સોમવારે અને મંગળવારે બે દિવસીય કારોબારમાં સોનામાં રૂ.1600 થી વધુનો ઘટાડો થયો છે.
કોરોના સંકટ વચ્ચે સોના-ચાંદીના ભાવમાં ઘટાડો
છેલ્લા 2 દિવસમાં 1600 રૂપિયા ઘટ્યા ભાવ
ફ્યુચર્સ માર્કેટમાં મલ્ટી કોમોડિટી એક્સચેંજ (MCX)પર સોનાનો વાયદો મંગળવારે રૂ. 424 ઘટીને રૂ. 54,522 પર પ્રતિ 10 ગ્રામ થયો છે. જો કે, તે પણ દિવસના કારોબાર દરમ્યાન 54,570ના સપાટીએ ગયો હતો. સોમવારે, તે 10 ગ્રામ દીઠ 54,946 રૂપિયા પર બંધ રહ્યો હતો.
સોનાં-ચાંદીની કિંમતોમાં ઘટાડો જોવા મળ્યો
ઉલ્લેખનીય છે કે, વૈશ્વિક બજારોમાં ઘટાડાને કારણે ભારતીય બજારોમાં સોનાં-ચાંદીની કિંમતોમાં ઘટાડો જોવા મળ્યો. MCX પર ઓક્ટોબરના સોનાનો ભાવ 0.63 ટકા ઘટીને 54,570 પ્રતિ 10 ગ્રામ પર પહોંચી ગયો છે. છેલ્લા 3 દિવસમાં સોનાંના ભાવમાં આ બીજી વખત ઘટાડો નોંધાયો છે.
ચાંદીના વાયદા 1 ટકાથી ઘટ્યું
તો ચાંદીની વાત કરીએ તો, MCX પર ચાંદીના વાયદા 1 ટકાથી ઘટીને 74,700 પ્રતિ કિલોગ્રામ પર આવ્યો છે. ગત સત્રમાં સોનાંની કિંમતો 0.35 ટકા વધી હતી જ્યારે ચાંદીની 2 ટકા એટલે કે લગભગ 1,500 પ્રતિ કિલોગ્રામ ઉછળી હતી. સોનું લગભગ 1000 રૂપિયા પ્રતિ 10 ગ્રામ ઘટ્યો હતો. ગત અઠવાડિયે, વૈશ્વિક સ્તરે તેજીના કારણે ભારતીય બજારોમાં સોનું 56,191 રૂપિયા રેકોર્ડબ્રેક સ્તર પર પહોંચ્યું હતું.
એક રિપોર્ટ અનુસાર સોનું આવનારા 2 મહિનામાં 70 હજાર રૂપિયા પ્રતિ 10 ગ્રામ સુધી પહોંચી શકે છે. એક્સપર્ટ્સ માને છે કે કોરોનાનું સંકટ હટે તો પણ વૈશ્વિક અર્થવ્યવસ્થા એટલી જલ્દી દુરસ્ત થશે નહીં. આ સ્થિતિમાં જ્યારે આર્થિક સંકટ રહેશે ત્યારે સોનાની મામંગ ચાલુ રહેશે અને વધતી જ રહેશે.