ડિમાન્ડમાં થયેલ ઘટાડાને લઇને સતત બીજા દિવસે બજારમાં સોનાના ભાવમાં ઘટાડો નોંધાયો હતો. દિલ્હીના બુલિયન માર્કેટમાં સોનાના ભાવ 396 રૂપિયાનો ઘટાડો થયો હતો.
સોના-ચાંદીના નવા ભાવ
બે દિવસમાં 784 રૂપિયાનો થયો ઘટાડો
શેરબજારમાં થઇ રહેલી વધઘટ બની કારણ
તો આ તરફ ઇન્ડસ્ટ્રી દ્વારા કરવામાં આવતી માગમાં ઘટાડો થવાને કારણે ચાંદીના ભાવમાં 179 રૂપિયા પ્રતિ કિલોગ્રામ ચાંદીના ભાવ ઘટી ગયા હતા. જ્વેલર્સનું કહેવું છે કે, દુનિયાભરના શેરબજારની સ્થિતિને કારણે સોના-ચાંદીના ભાવમાં ઘટાડો નોંધાયો છે. આપને જણાવી દઇએ કે, છેલ્લા બે દિવસમાં સોનાના ભાવમાં 784 પ્રતિ 10 ગ્રામ સુધી સસ્તું થયું હતું.
સોનાના નવા ભાવ (Gold Rate on 5th February 2020)-
બુધવારે, દિલ્હી સરાફા બજારમાં 99.9 ટકા સોનાના ભાવ દસ ગ્રામ દીઠ 41267 રૂપિયાથી ઘટીને 40,871 રૂપિયા પ્રતિ દસ ગ્રામ રહ્યા છે. આ સમયગાળા દરમિયાન ભાવમાં 396 રૂપિયાનો ઘટાડો થયો છે. આ પહેલા મંગળવારે સોનાની કિંમતમાં 288 રૂપિયાનો ઘટાડો નોંધાયો હતો.
આંતરરાષ્ટ્રીય બજારોમાં સોનાની કિંમત ઘટીને 1,554 ડોલર પ્રતિ ઔંસ પર આવી ગયા છે. આ તરફ ચાંદીના ભાવ પણ 17.73 ડોલર પ્રતિ ઔંસથી ઘટીને 17.70 ડોલર પ્રતિ ઓંસના રહ્યા હતા.
ચાંદીના નવા ભાવ (Silver Price on 5 February 2020)-
ઔદ્યોગિક માંગમાં ઘટાડો થવાને કારણે બુધવારે દિલ્હી બુલિયન માર્કેટમાં ચાંદીના ભાવ ફરીથી કિલોના 179 રૂપિયા નીચે આવી ગયા છે. હવે એક કિલો ચાંદીનો ભાવ 47,060 રૂપિયાથી ઘટીને 46,881 રૂપિયા પ્રતિ કિલો થઈ ગયો છે. એક દિવસ પહેલા જ મંગળવારે ચાંદીનો ભાવ 47,426 રૂપિયાથી ઘટીને 47,080 રૂપિયા પ્રતિ કિલો થઈ ગયો છે.
શું કહે છે નિષ્ણાત
HDFC સિક્યોરિટીઝના સીનિયર એનાલિસ્ટ તપન પટેલના જણાવ્યા અનુસાર, વિદેશી બજારમાં કિંમત ઘટવાથી બજાર પર અસર પડી રહી છે. તો આ તરફ ચીનની સેન્ટ્રલ બેંક દ્વારા સિસ્ટમમાં પૈસા નાખવાના અહેવાલ બાદ કોમોડિટી માર્કેટ પર દબાણ વધ્યું હતું.