Gold Price / સોનું સસ્તુ અને ચાંદી થયું મોંઘુ! ખરીદી કરતા પહેલા અહીં જાણી લો આજના લેટેસ્ટ ભાવ

• ગ્લોબલ માર્કેટમાં ઉતાર-ચઢાવ 
• સોનાના ભાવમાં ઘટાડો 
• ચાંદી થયું મોંઘુ 

ગ્લોબલ માર્કેટમાં ઉતાર-ચઢાવના કારણે સોમવારે સવારે ભારતીય વાયદા બજારમાં સોના અને ચાંદીના ભાવમાં પણ વધઘટ જોવા મળી હતી. આજે જ્યાં સોનાની કિંમત 52 હજારની નીચે આવી ગઈ છે ત્યાં ચાંદી વધીને 57 હજારની ઉપર પહોંચી ગઈ છે.

કેટલા ઘટ્યા સોનાના ભાવ? 
મલ્ટીકોમોડિટી એક્સચેન્જ (MCX) પર, 24-કેરેટ શુદ્ધતાના સોનાના વાયદામાં સવારે 30 રૂપિયાનો ઘટાડો થયો છે આ સાથે તેનો ભાવ 51,844 રૂપિયા પ્રતિ 10 ગ્રામ થયો હતો. અગાઉ સોનાના વેપારની શરૂઆત 51,793 રૂપિયાના સ્તર પર ખુલીને થઈ હતી.

પરંતુ માંગમાં વધારો થવાને કારણે ભાવ ટૂંક સમયમાં 51,800ના સ્તરને પાર કરી ગયા હતા. સોનું હાલમાં અગાઉના બંધ ભાવથી 0.06 ટકા ઘટીને ટ્રેડ થઈ રહ્યું છે.

ચાંદીમાં આવી તેજી 
સોનાથી વિપરીત આજે ચાંદીની કિંમતોમાં તેજી જોવા મળી છે. MCX પર ચાંદીના વાયદાના ભાવ આજે રૂ. 50 વધીને રૂ. 57,414 પર પહોંચી ગયા છે. અગાઉ ચાંદીમાં ટ્રેડિંગની શરૂઆત 57,398 રૂપિયાના સ્તરે ખુલીને શરૂ થઈ હતી. 

પરંતુ માંગમાં વધારો થવાને કારણે, કિંમતો ટૂંક સમયમાં 57,400ની ઉપર પહોંચી ગઈ હતી. ચાંદી હજુ પણ તેના અગાઉના બંધ ભાવ કરતાં 0.09 ટકાના વધારા સાથે વ્યાપાર કરી રહ્યું છે. 

ગ્લોબલ માર્કેટમાં શું છે ભાવ? 
આજે વૈશ્વિક બજારમાં સોના-ચાંદીના ભાવમાં ઘટાડો જોવા મળી રહ્યો છે. રશિયા-યુક્રેનનો તણાવ ઓછો ન થતો જોઈને સોનાના ભાવ ફરી એક વખત દબાણ જોવા મળ્યું છે. યુએસ માર્કેટમાં આજે સોનાની હાવની કિંમત 1,772.72 ડોલર પ્રતિ ઔંસ રહી.

જે તેના અગાઉના બંધ ભાવ કરતાં 0.14 ટકા નીચી છે. એ જ રીતે ચાંદીના હાજર ભાવમાં પણ આજે ઘટાડો જોવા મળી રહ્યો છે. ચાંદીની હાજર કિંમત 19.88 ડોલર પ્રતિ ઔંસ છે. આનો અર્થ એ થયો કે તેના ભાવ અગાઉના બંધ ભાવ કરતાં 0.20 ટકા ઓછા છે.