બુલિયન માર્કેટમાં સતત બીજા દિવસે સોના-ચાંદીના ભાવમાં મોટો ફેરફાર જોવા મળી રહ્યો છે.
સોનાના ભાવમાં આજેપણ કડાકો
ચાંદીના ભાવ આજે ઉછળ્યા
ચાંદીનો ભાવ 70 હજારને પાર પહોંચ્યો
ઉલ્લેખનીય છે કે, આજે ગુરુવારે સોનું સસ્તુ થયું છે ત્યાં ચાંદીમાં મોટો ઉછાળો જોવા મળ્યો છે. આજે પણ 24 કેરેટથી 14 કેરેટ સુધીના સોનાના ભાવમાં ઘટાડો જોવા મળી રહ્યો છે. આજે 24 કેરેટ સોનાનો ભાવ રૂ. 201 ઘટીને રૂ 46637 પર પ્રતિ 10 ગ્રામ થયો છે.
ચાંદીના ભાવમાં ઉછાળો
આ તરફ, ચાંદી 953 રૂપિયા મોંઘી થઈ અને પ્રતિ કિલો 70179 ના દરે ખુલી. જણાવી દઇએ કે ઈન્ડિયા બુલિયન અને જ્વેલર્સ એસોસિએશન દ્વારા બહાર પાડવામાં આવેલ આ દર અને તમારા શહેરની કિંમત 500 થી 1000 રૂપિયાની વચ્ચે બદલાઈ શકે છે.
IBJAના રેટ દેશભરમાં માન્યતા પ્રાપ્ત છે
આપને જણાવી દઇએ કે, આઇબીજેએ દ્વારા જાહેર કરાયેલ દર વૈશ્વિક ધોરણે સ્વીકાર્ય છે. જોકે, આ વેબસાઇટ પર અપાયેલા દરમાં જીએસટીનો સમાવેશ કરવામાં આવ્યો નથી. સોનાની ખરીદી અને વેચાણ કરતી વખતે, તમે આઈબીજેએના દરનો સંદર્ભ લઈ શકો છો. ઈન્ડિયા બુલિયન એન્ડ જવેલર્સ એસોસિએશનના જણાવ્યા મુજબ ઇબ્જા વર્તમાન દર લઈને દેશભરના 14 કેન્દ્રોમાંથી સોના અને ચાંદીના સરેરાશ ભાવ દર્શાવે છે. સોના-ચાંદીનો હાલનો દર અથવા એમ કહી દો કે હાજર સ્થાનો વિવિધ સ્થળોએ જુદા હોઈ શકે છે, પરંતુ તેમના ભાવોમાં થોડો તફાવત છે.