સોનાના ભાવમાં આ સપ્તાહે સતત બીજા દિવસે ઘટાડો નોંધાયો હતો. મંગળવારે, દિલ્હી બુલિયન માર્કેટમાં 10 ગ્રામ સોનાના ભાવમાં રૂ. 68 નો ઘટાડો થયો છે. સોનાની જેમ ચાંદીના ભાવ પણ નબળા હતા. એક કિલો ચાંદીના ભાવમાં 39 રૂપિયા ઘટાડો થયો છે. નિષ્ણાંતોનું કહેવું છે કે રૂપિયામાં મજબૂતી અને નબળી માંગના કારણે સોના-ચાંદીના ભાવને અસર થઈ છે.
દિલ્હી બુલિયન માર્કેટમાં સોનાનો ભાવ ઘટ્યો
ચાંદીની કિંમતમાં પણ નોંધાયો ધટાડો
સોનાનો નવો ભાવ :
મંગળવારે દિલ્હી બુલિયન બજારમાં સોનાના ભાવ 38,615 રૂપિયાથી ઘટીને 38,547 રૂપિયા પ્રતિ 10 ગ્રામ થઇ ગયો હતો. સોમવારના રોજ સોનાનો ભાવ 166 રૂપિયા તૂટ્યો હતો. આંતર રાષ્ટ્રીય બજારમાં સોનું 1,455.30 ડોલર પ્રતિ ઓંસ અને ચાંદી 16.88 ડોલર પ્રતિ ઔંસ પર રહ્યા હતા.
ચાંદીનો ભાવ :
સોનાની જેમ ચાંદીના ભાવમાં ઘટાડો નોંધાયો હતો. એક કિલોગ્રા ચાંદીનો ભાવ 45,200 રૂપિયાથી ઘટીને 45,161 રૂપિયા થઇ ગયો. સોમવારે ચાંદીની કિંમતમાં 402 રૂપિયા પ્રતિ કિલોગ્રામ ઘટ જોવા મળી હતી.