તેજી / લગ્નસરાની સિઝન પહેલા ગોલ્ડના બજારમાં ચમક, આજે સોનાનો ભાવ ફરી ALL TIME HIGH, જાણો લેટેસ્ટ રેટ

• સોનાના ભાવમાં 380 રૂપિયાનો વધારો
• સોનાનો ભાવ ઓલ ટાઈમ હાઈ
• નવા ભાવ 59,715 હજારને આંબી ગયા

નાણાકીય વર્ષના અંતિમ દિવસે આજે પણ સોનાના ભાવમાં જોરદાર ઉછાળો જોવા મળી રહ્યો હતો. આજે સોનાના ભાવમાં 380 રૂપિયાનો વધારો નોંધાયો છે. પરિણામે આજે તોલા દીઠ ભાવ 59,715 હજારની આંબી ગયા છે. ભાવ વધારાને પગલે સોનુ ફરી એકવાર ઓલ ટાઈમ  હાઈ થયું છે. બીજી તરફ ચાંદીના ભાવ પણ 71,000 ને પાર થયા છે. આજે બિઝનેસ સપ્તાહના પાંચમા દિવસે 59,715 હજારએ પહોંચ્યા હતા.

સોનાનો ભાવ 380 રૂપિયા વધારો નોંધાયો
ઇન્ડિયન બુલેટિન જ્વેલર્સ એસોસિએશનની વેબસાઈટ પર જાહેર થયેલ વિગત મુજબ આજે સોનાનો ભાવ 380 રૂપિયા વધારો નોંધાયો હતો જેને પગલે સોનાના નવા ભાવ 59,715 રૂપિયા એ સ્થિર થયા છે. બીજી તરફ સોના અત્યાર સુધીના સર્વોચ્ચ સ્તર પર પહોંચ્યું છે. જેને લઈને લગ્નસરાની સીઝનમાં સોનું ખરીદવા માંગતા લોકોની મુશ્કેલીમાં વધારો નોંધાયો છે. 

ચાંદીના ભાવમાં વધારો

સોનાની સાથે આજે ચાંદીમાં પણ મોટો ભાવ વધારો જોવા મળ્યો હતો. ચાંદીમાં આજે 1446 ના વધારા સાથે 71,446 પર પ્રતિ કિલો સ્થિર થઈ હતી. બીજી તરફ બુધવારે ટ્રેડિંગના દિવસે ચાંદી 500 રૂપીયા મોંઘી થઈ હતી અને 70,000 પ્રતિ કિલો પર બંધ થઈ હતી. મહત્વનું છે કે રામનવમી ની રજાના દિવસે ભાવવધારા અંગે કોઈ સમાચાર સામે આવ્યા ન હતા. ભાવ વધારા સાથે સોનુ ઓલ ટાઈમ હાઈ ભાવથી લગભગ 62 પ્રતિ તોલા દીઠ મોંઘું વેંચાઈ રહ્યું છે. આ આગાઉ 24 માર્ચના રોજ સોનાને સર્વોચ્ચ સ્થાન પર સ્થિર થયું હતું. જે વખતે સોનુ 59,653 રૂપિયા નોંધાયું હતું. તો ચાંદીનો ઓલ ટાઈમ હાઈ ભાવ 79,980 રૂપિયા સ્થિર થઈ હતી.