ભારતીય બજારમાં સોનાની કિંમતમાં ઘટાડો જોવા મળ્યો હતો પણ ચાંદીની કિંમતમાં નજીવો વધારો જોવા મળ્યો હતો. આજે સોનાની કિંમત શરૂઆતના વેપારમાં 0.13 ટકાના ઘટાડા સાથે ખૂલી હતી.
વૈશ્વિક બજારમાં સોના અને ચાંદીના ભાવમાં વધારો જોવા મળ્યો
ભારતીય બજારમાં સોનાની કિંમતમાં ઘટાડો જોવા મળ્યો
પણ ચાંદીની કિંમતમાં નજીવો વધારો જોવા મળ્યો
ગ્લોબલ માર્કેટમાં ભારે ઉતાર ચઢાવ પછી ભારતીય બજારમાં સોના ચાંદીની કિંમતોમાં પણ થોડો બદલવા નજરમાં આવી રહ્યો છે. જો કે વૈશ્વિક બજારમાં સોના અને ચાંદીના ભાવમાં વધારો જોવા મળી રહ્યો પણ ભારતીય બજારમાં સોનાની કિંમતમાં ઘટાડો જોવા મળ્યો હતો પણ ચાંદીની કિંમતમાં નજીવો વધારો જોવા મળ્યો હતો.
સોનાની કિંમત
આજે સવારે મલ્ટી કોમોડિટી એક્સચેન્જ (MCX) પર સોનાની કિંમત 67 રૂપિયા ઘટીને 50,027 રૂપિયા પ્રતિ 10 ગ્રામ પર આવી પંહોચી હતી. આજે સોનાની કિંમત શરૂઆતના વેપારમાં 0.13 ટકાના ઘટાડા સાથે ખૂલી હતી.
ચાંદીની કિંમત
અઠવાડિયાના પહેલા દિવસે મલ્ટી કોમોડિટી એક્સચેન્જ (MCX) પર ચાંદીની કિંમતમાં વધારો જોવા મળ્યો હતો. ચાંદીની કિંમત 503 રૂપિયા વધીને 57,361 રૂપિયા પ્રતિ કિલો એ પંહોચી છે. આજે સવારે ચાંદીન કિંમત 57,162 રૂપિયાથી શરૂ થઈ હતી પણ એ પછી કિંમત વધીને 57,420 સુધી પંહોચી હતી, જો કે એ પછી માંગમાં ઘટાડો આવ્યો હતો અને ચાંદી 57,361 પર ટ્રેડ થવા લાગી છે.
ગ્લોબલ માર્કેટમાં શું રહી કિંમત
વૈશ્વિક બજારમાં સોના અને ચાંદીના ભાવમાં સતત વધારો જોવા મળી રહ્યો છે. આજે સોનાની કિંમતમાં 0.10 ટકાનો ઉછાળો આવ્યો હતો અને $1,663.78 પ્રતિ ઔંસ પર સોનું ટ્રેડ થઈ રહ્યું છે. જણાવી દઈએ કે શુક્રવારે પણ કિંમતમાં 0.12 નો વધારો જોવા મળ્યો હતો. ચાંદીની કિંમતની વાત કરી તો તે 0.88 ટકા વધીને 19.2 ડોલર પ્રતિ ઔંસ સુધી પંહોચી છે. શુક્રવારે તેમાં 0.16 વધારો જોવા મળ્યો હતો.
એક્સપર્ટનું શું કહેવું છે
કમોડીટી એક્સપર્ટનું કહેવું છે કે જે રીતે ગ્લોબલ શેર બજાર તૂટી રહ્યું છે એ જોઇને લાગી રહ્યું છે કે આવનાર સમયમાં સોનામાં રોકાણકારોની સંખ્યામાં વધારો થશે. જો કે હાલ બજારમાં જો તમે રોકાણ કર્યું હોય અને તમારા પોર્ટફોલીયોમાં સોનામાં રોકાણ કરેલ છે તો તેને એમ જ રાખો, આવનાર સમયમાં ગ્લોબલ માર્કેટ સાથે ભારતીય માર્કેટમાં પણ સોનાની માંગ વધશે અને કિંમતોમાં ભારે ઉછાળ આવશે.