ભારતીય બજારમાં સોનાના ભાવ 41 હજાર રૂપિયા પ્રતિ 10 ગ્રામને પણ પાર કરી ગયો છે. એવામાં જો તમે ગોલ્ડ ખરીદવાનું વિચારી રહ્યા છો તો એના માટે ઘણી વાતો જાણવી જરૂરી છે. જો કે અસલી સોનાની ઓળખ કરવી સરળ નથી. પરંતુ કેટલીક સાવધાનીઓ રાખવાથી તમે ખોટી ચીજ ખરીદતા બચી શકો છો. આજે અમે તમને જણાવીએ છીએ સોનું ખરીદતી વખતે કઇ વાતોનું ધ્યાન રાખશો.
24 કેરેટ સોનાને સૌથી શુદ્ધ સોનું માનવામાં આવે છે
24 કેરેટ સોનાથી તમારી જ્વેલરી બનતી નથી
દરેક કેરેટનો હૉલમાર્ક અંક અલગ હોય છે
સોનું ખરીદતી વખતે આ બાબતોનું ધ્યાન રાખો
હૉલમાર્ક જોઇને ખરીદો ગોલ્ડ
અમે તમને જણાવીશું કે તમારું સોનું કેટલું શુદ્ધ છે. સોનું ખરીદતી વખતે ક્વૉલિટી પર જરૂરથી ધ્યાન રાખો. સૌથી સારું એ છે કે હૉલમાર્ક જોઇને સોનું ખરીદો. હૉલમાર્ક સરકારી ગેરંટી છે. હૉલમાર્કનું નિર્ધારણ ભારતની એકમાત્ર એજન્સી બ્યૂરો ઑઉ ઇન્ડિયન સ્ટાન્ડર્ડ કરે છે. હૉલમાર્કેગ યોજના ભારતીય માનક બ્યૂરો અધિનિયમ હેઠળ સંચાલન, નિયમ અને વિનિયમનું કામ કરે છે.
24 કેરેટ ગોલ્ડની જ્વેલરી બનતી નથી
24 કેરેટ સોનાને સૌથી શુદ્ધ સોનું માનવામાં આવે છે, પરંતુ એની જ્વેલરી બનતી નથી, કારણ કે એ ખૂબ જ મુલાયમ હોય છે. સામાન્ય રીતે આભૂષણો માટે 22 કેરેટ સોનાનો જ ઉપયોગ કરવામાં આવે છે, જેમા 91.66 ટકા સોનું હોય છે. દરેક કેરેટનો હૉલમાર્ક અંક અલગ હોય છે. 24 કેરેટ પર 999, 23 કેરેટ સોના પર 958, 22 કેરેટ પર 916, 21 કેરેટ પર 875 અને 18 પર 750 લખેલું હોય છે. એનાથી શુદ્ધતામાં શક રહેતો નથી.
આવી રીતે સમજો કેવી રીતે નક્કી કરી શકો છો તમારા સોનાની કિંમત
કેરેટ ગોલ્ડનો અર્થ થાય છે 1/24 પર્સેન્ટ ગોલ્ડ, જો તમારા આભૂષણ 22 કેરેટના છે તો 22 ને 24થી ભાગીને એને 100 થી ગુણાકાર કરો. (22/24)x100= 91.66 એટલે કે તમારા આભૂષણમાં ઉપયોગ થતા સોનાની શુદ્ધતા 91.66 ટકા.
24 કેરેટ સોનાનો રેટ 41000 છે અને બજારમાં એને ખરીદવા જાવ છો કો 22 કેરેટ સોનાનો ભાવ (41000/24)x22=37583 રૂપિયા હશે. એવી જ રીતે 18 કેરેટ ગોલ્ડની કિંમત પણ નક્કી હશે. (41000/24)x18=30750 જો કે આ જ સોનું ઑફરની સાથે આપીને જ્વેલર તમારી સાથે છેતરપિંડી કરે છે.