Gold Hallmarking / સરકારનો આદેશઃ 4 દિવસમાં સોનાની ખરીદી અને વેચાણને લઈને બદલાશે આ નિયમ, જાણો ગ્રાહકોને શું થશે મોટો ફાયદો

• 16 જૂનથી આવશે મોટો ફેરફાર
• સરકારે લાગૂ કર્યા હોલમાર્કિંગના નિયમો
• સોનાની દગાખોરી અટકાવવા જરૂરી છે નિયમ

શું છે હોલમાર્કિંગ
હોલમાર્કિંગ એ સરકારની ગેરેંટી છે. હોલમાર્કનો આધાર ભારતની એજન્સી બ્યૂરો ઓફ ઈન્ડિયન સ્ટેન્ડર્ડ કરે છે. હોલમાર્કિંગમાં કોઈ ઉત્પાદકને નક્કી માપદંડ પર પ્રમાણિત કરાય છે. ભારતમાં તે કામ માટે  BIS સંસ્થા છે. જે ગ્રાહકોને મળનારી ગુણવત્તાની તપાસ કરે છે. સોનાના સિક્કા કે ઘરેણા કોઈ પણ સોનાના આભૂષણ જે બીઆઈએસ દ્વારા હોલમાર્ક કરાયા છે તેની પર લોગો હોવો જરૂરી છે. તેનાથી ખ્યાલ આવે છે કે લાયસન્સ પ્રાપ્ત પ્રયોગશાળામાં તેની શુદ્ધતાની તપાસ કરાઈ છે.  
 

શું છે સરકારની યોજના
સરકારે 15 જૂનથી જ્વેલરી વેચવાની નવી વ્યવસ્થા લાગૂ કરવાને માટે સમિતિ બનાવી છે. તે હોલમાર્કિંગ સાથે જોડાયેલા મુદ્દાનું સમાધાન કરશે. રેલ અને વાણિજ્ય મંત્રી પીયુષ ગોયલે કહ્યું કે દેશમાં ગ્રાહકોને કોઈ રાહ જોયા વિના હોલમાર્ક પ્રમાણિત જ્વેલરીનું વેચાણ થવું જોઈએ. 

ગ્રાહકોને હોલમાર્કિંગમાં મળશે આ જાણકારી
દેશમાં હોલમાર્કિંગ લાગૂ કરવાની તારીખને વધારી દેવામાં આવી છે. પહેલા આ નિયમ જાન્યુઆરી 2021માં લાગૂ થવાનો હતો. આ પછી કોરોનાના કારણે તેને 1 જૂન સુધી વધારાયો અને હવે તેને 15 જૂન સુધી વધારી દેવાયો છે. હોલમાર્કિંગનો નિયમ લાગૂ થયા બાદ ફક્ત 22 કરેટ, 18 કેરેટ, 14 કેરેટની જ્વેલરી વેચાશે. હોલમાર્કિંગમાં બીઆઈએસની મહોર, કેરેટની જાણકારી હશે. જ્વેલરી બનવાની તારીખ, જ્વેલરનું નામ પણ હશે. બીઆઈએસ હોલમાર્કિંગ સિસ્ટમને ઈન્ટરનેશનલ માપદંડો સાથે જોડવામાં આવ્યું છે. 

 
ઘર કે લોકરમાં પડેલા જૂના ઘરેણાનું કરાવો હોલમાર્કિંગ
હોલમાર્કિંગ લાગૂ થયા બાદ ઘર કે લોકરમાં પડેલા જૂના ઘરેણાનું શું થશે તે એક પ્રશ્ન છે. તમે કોઈ પણ હોલમાર્કિંગ સેન્ટર પર જઈને તમારા જૂના ઘરેણાનું હોલમાર્કિંગ કરાવી શકો છો. જૂના ઘરેણાનું મુલ્ય વધારે રહેશે. નિયમ લાગૂ થયા બાદ હોલમાર્કિંગ વિનાના ઘરેણા વેચવામાં મુશ્કેલી આવી રહી છે. તેની કિંમત ઓછી મળી શકે છે. જો કોઈ પણ નિયમનું પાલન નહીં કરે  તો 1 લાખથી લઈને જ્વેલરીના ભાવના 5 ગણા સુધીનો દંડ કરવામાં આવશે. જ્વેલર્સને દગાખોરીની સાથે 1 વર્ષની કેદની સજા પણ થઈ શકે છે. તપાસ માટે સરકારે BIS-Care નામથી એપ લોન્ચ કર્યું છે. તેનાથી એપ પર જ શુદ્ધતાની તપાસ અને ફરિયાદ કરી શકાશે.
 
આ રીતે કરી લો સોનાની શુદ્ધતાની ઓળખ 

• 24 કેરેટ શુદ્ધ સોના પર 999 લખ્યું હોય છે. 
• 22 કેરેટની જ્વેલરી પર 916 લખ્યું હોય છે.
• 21 કેરેટ સોનાની ઓળખ માટે 875 લખવાનું રહે છે.
• 18 કેરેટની જ્વેલરી પર 750 લખેલું રહે છે.
•  14 કેરેટની જ્વેલરી પર 585 લખેલું રહે છે.

વધારે મોંઘી નથી હોતી હોલમાર્ક જ્વેલરી 
વિશેષજ્ઞોનું કહેવું છે કે હોલમાર્ક જ્વેલરી પ્રતિ જ્વેલરી પર તેનો ખર્ચ ફક્ત 35 રૂપિયા આવે છે. સોનું ખરીદતી સમયે ઓથેન્ટિસિટી અને પ્યોરીટી સર્ટિફિકેટ લેવાનું ભૂલશો નહીં. સર્ટિફિકેટમાં સોનાની કેરેટની ગુણવત્તા પણ ચેક કરો. સાથે સોનાની જ્વેલરીમાં લાગેલા જેમ સ્ટોન માટે એક અલગ સર્ટિફિકેટ લઈ લો તે પણ જરૂરી છે.  

શા માટે હોલમાર્કિંગ જરૂરી છે
ગ્રાહકોને નકલી વેપારીઓથી બચાવવા માટે અને કારોબારની દેખરેખ માટે હોલમાર્કિંગ જરૂરી છે. હોલમાર્કિંગનો ફાયદો એ છે કે જ્યારે તમે તેને વેચો છો તો કોઈ પણ પ્રકારની ડેપ્રિસિએશન કોસ્ટ કપાશે નહીં. તમે સોનાના યોગ્ય ભાવ મેળવી શકશો. હોલમાર્કિંગમાં અનેક તબક્કા હોય છે. એવામાં ગુણવત્તાને લઈને કોઈ ગરબડ રહેશે નહીં. સાથે બજારમાં પણ સોનાના ખરીદ -વેચાણને લઈને નજર રાખવામાં મદદ મળશે. જરૂર રહેતા અનેક તપાસ એજન્સી સંસ્થાના આંકડા મેળવીને તપાસ કરશે.