કોરોનાની બીજી લહેરની આશંકાને પગલે રોકાણકારોએ ડૉલરમાં હવે સેફ ઈન્વેસ્ટમેન્ટ ખરીદી શરુ કરી દીધી છે. એ માટે અમેરિકન ડૉલરમાં તેજી જોવા મળી રહી છે. જેની અસર સોના અને ચાંદીના ભાવમાં જોવા મળી રહી છે. મંગળવાર બાદ બુધવારે સોનાના ભાવમાં ઘટાડો થયો છે. એમસીએક્સ પર ઓક્ટોમ્બરે સોના વાયદો 0.4 ટકા ઘટી 50, 180 પ્રતિ 10 ગ્રામ પર, જ્યારે ચાંદી વાયદો 1.6 ટકા ઘટીને 60, 250 રુ. પ્રતિ કિલોગ્રામ પર આવ્યો છે. આ અઠવાડિયામાં દુનિયા ભરમાં કિંમતી ધાતુઓમાં ભારે ઘટાડો થયો છે. ગત સત્રમાં સોનાની કિંમતોમાં 100 રુપિયા ઘટાડો થયો છે. ત્યારે સોમવારે ભાવ 1200 રુપિયા તુટ્યા છે.
સોનાના ભાવ 5 હજાર રુપિયા પ્રતિ 10 ગ્રામ સુધી ઓછા થઈ ગયા
ચાંદી વાયદો 1.6 ટકા ઘટીને 60, 250 રુ. પ્રતિ કિલોગ્રામ પર આવ્યો
સોનાનો વાયદો 0.4 ટકા ઘટી 50, 180 પ્રતિ 10 ગ્રામ પર
ગત મહિને રેકોડની ઉંચાઈથી આજે પણ સોનાના ભાવ 6હજાર પ્રતિ 10 ગ્રામ નીચે છે. 7 ઓગસ્ટે એમસીએક્સ પર સોનાના ભાવ 56 હજાર રુપિયા 10 ગ્રામ પર છે. આ જોતા 99.9 ટકાવાળા શુદ્ધ સોનાના ભાવ 5 હજાર રુપિયા પ્રતિ 10 ગ્રામ સુધી ઓછા થઈ ગયા છે.
વિદેશી બજારોમાં સસ્તું થયું છે સોનું
આંતરરાષ્ટ્રીય સ્તર પર સોનાની કિંમતોમાં ઘટાડો આવ્યો છે. સપોર્ટ પ્રાઈસ એટલે કે હાજર બજારમાં આજના ભાવ ઘટીને 1900 ડોલર પ્રતિ ઐંસ પર આવી ગયા છે.
આને કારણે થઈ રહ્યો છે સોના ભાવમાં ઘટાડો
અમેરિકન ડૉલરમાં તેજી જોવા મળી રહી છે. ડૉલર સૂચકાંક અન્ય મુદ્દાઓની સરખામણીએ 8 અઠવાડિયાથી ટોચ પર પહોંચી ગયો છે. એક્સપર્ટનું કહેવું છે કે કોરોના વાયરસના સંક્રમણની બીજી લહેરની આશંકાના કારણે રોકાણકારોએ ડૉલરમાં હવે સેફ ઈન્વેસ્ટમેન્ટ ખરીદી શરુ કરી દીધી છે. જેથી અમેરિકન ડૉલરમાં તેજી જોવા મળી રહી છે.