આજે અમે તમને સોનું, એફડી, ઇક્વિટી (સેન્સેક્સ) અને રોકડ એટલે કે લિક્વિડ ફંડ્સમાં રોકાણ કરનારાઓને કેટલું વળતર મળ્યું છે તેના વિશે સંપૂર્ણ વિગતો આપવા જઈ રહ્યા છીએ.
યોગ્ય જગ્યાએ રોકાણ કરવામાં આવે તો વળતર મળવું નિશ્ચિત
કેટલાક સોનામાં રોકાણ કરવાનું પસંદ કરે છે
કેટલાક બેંક એફડીમાં તો લિક્વિડ ફંડ રોકાણ કરે છે
આ બધામાંથી શ્રેષ્ઠ વળતર શેમાં મળે છે?
તમે નોકરી કરો કે ધંધો કરો, દરેક લોકો બચત કરવા માંગતા જ હોય છે. એવામાં તમારી બચતનું યોગ્ય જગ્યાએ રોકાણ કરવું જરૂરી છે. જો બચત યોગ્ય જગ્યાએ રોકાણ કરવામાં આવે તો બમ્પર વળતર મળવું પણ નિશ્ચિત છે. એટલા માટે લોકો અનેક પ્રકારની યોજનાઓમાં રોકાણ કરે છે.
બચત કરવા માટે કેટલાક સોનામાં રોકાણ કરવાનું પસંદ કરે છે તો કેટલાક બેંક એફડીમાં નાણાં જમા કરે છે. તો કેટલાક લોકોને લિક્વિડ ફંડ રોકાણ કરે છે. પણ ઘણી વખત લોકોમાં એ મુંજવણ હોય છે કે આ બધામાંથી શ્રેષ્ઠ વળતર શેમાં મળે છે. રોકાણકારોએ તે મુજબ ઉત્પાદનોમાં રોકાણ કરે છે. જે લોકો રોકાણ કરવાનું વિચારી રહ્યા છે એમને જોખમ પરિબળ, પ્રવાહિતા, ટેક્સ અને લોક-ઇન નિયમો વિશે પણ જાણવું જરૂરી છે.
આજે અમે તમને સોનું, એફડી, ઇક્વિટી (સેન્સેક્સ) અને રોકડ એટલે કે લિક્વિડ ફંડ્સમાં રોકાણ કરનારાઓને કેટલું વળતર મળ્યું છે તેના વિશે સંપૂર્ણ વિગતો આપવા જઈ રહ્યા છીએ. જણાવી દઈએ કે રોકાણના વળતરનો આ ડેટા 20 માર્ચ 2023 સુધીનો છે. અહીં સોનાનું વળતર સ્થાનિક ભાવ પર આધારિત છે. રોકડ એ લિક્વિડ ફંડ કેટેગરીના સરેરાશ વળતરનો સંદર્ભ આપે છે અને SBIના ડિપોઝિટ રેટ ફિક્સ ઇન્કમમાં લેવામાં આવ્યા છે. આ સાથે જ ઇક્વિટી બેન્ચમાર્ક સેન્સેક્સ રિટર્ન નો સંદર્ભ દર્શાવે છે.
એક વર્ષના રોકાણ પર વળતર
એક રિપોર્ટ અનુસાર છેલ્લા એક વર્ષમાં સોનાએ સૌથી વધુ 11.39 ટકા વળતર આપ્યું છે. લિક્વિડ ફંડમાં 5.36 ટકા, એફડીમાં 5.1 ટકા અને ઇક્વિટીમાં 0.41 ટકા વળતર મળ્યું છે.
ત્રણ વર્ષના રોકાણ પર વળતર
જો ત્રણ વર્ષના રોકાણ પર નજર કરીએ તો સૌથી વધુ વળતર ઈક્વિટી (સેન્સેક્સ)માં 24.43 ટકા આપવામાં આવ્યું છે. સોનામાં 12.85 ટકા, એફડીમાં 5.7 ટકા અને લિક્વિડ ફંડમાં 4.05 ટકા વળતર મળ્યું છે.
પાંચ વર્ષના રોકાણ પર વળતર
સોનામાં છેલ્લા પાંચ વર્ષમાં રોકાણ પર સૌથી વધુ 12.85 ટકા વળતર મળ્યું છે. ઇક્વિટીમાં 11.8 ટકા, એફડીમાં 6.4 ટકા, લિક્વિડ ફંડમાં 5.09 ટકા વળતર મળ્યું છે.
10 વર્ષના રોકાણ પર વળતર
ઇક્વિટીમાં છેલ્લા 10 વર્ષમાં સૌથી વધુ 11.8 ટકા વળતર, FDમાં 8.75 ટકા, લિક્વિડ ફંડમાં 6.56 ટકા અને FD પર 8.75 ટકા વળતર મળ્યું છે.